कोपरगाव प्रतिनिधी
दि. २५ मार्च २०२६ – शिंदे सेतू कार्यालयाच्या वतीने आयोजित छत्रपती शिवाजी महाराज महाराजस्व समाधान शिबिर आज भाग्यचंद माणिकचंद तोळे स्कूल, कोपरगाव येथे मोठ्या उत्साहात पार पडले. या शिबिरात विद्यार्थ्यांचे जन्मतारीख व जन्मनोंदणी दुरुस्तीचे दाखले वाटप करण्यात आले.
कार्यक्रमास नायब तहसीलदार चंद्रकांत कुलथे यांची प्रमुख उपस्थिती होती. त्यांनी विद्यार्थ्यांना योग्य कागदपत्रांचे महत्त्व सांगून शासनाच्या योजनांचा लाभ घेण्याचे आवाहन केले. तसेच गटशिक्षणाधिकारी मॅडम शबाना शेख यांनी विद्यार्थ्यांच्या सर्वांगीण विकासासाठी अशा उपक्रमांचे महत्त्व अधोरेखित केले.
संस्थेचे सदस्य डॉ. अमोल अजनर यांनी विद्यार्थ्यांना मार्गदर्शन करताना डिजिटल युगातील शिक्षणाचे महत्त्व पटवून दिले. त्यांनी विद्यार्थ्यांना स्पर्धा परीक्षांसाठी तयार राहण्याचे आवाहन केले. श्री राजेश तोळे यांनीही विद्यार्थ्यांना पुढील शिक्षणासाठी प्रेरित केले.
या शिबिरात शिंदे सेतू संचालक सागर शिंदे यांनी S.G. विद्यालय व BMT स्कूलमधील विद्यार्थ्यांना दाखले वाटप केल्याची माहिती दिली. कार्यक्रमास संस्थेचे सर्व ट्रस्टी, व्यवस्थापन समिती सदस्य, मुख्याध्यापक, शिक्षक व पालक मोठ्या संख्येने उपस्थित होते.
कार्यक्रमाचे सूत्रसंचालन सौ. अर्चना वाणी यांनी केले, तर आभार प्रदर्शन मुख्याध्यापक मकरंद निमोणकर
यांनी मानले.
