मढी बु. गावात आरोग्य, शिक्षण व पायाभूत सुविधांना बळ;विकासाचा रथ अखंड सुरू राहणार!!-आ. आशुतोष काळे

कोपरगाव प्रतिनिधी

कोपरगाव तालुक्यातील ग्रामीण भागातील नागरिकांना सर्वांगीण सुविधा उपलब्ध करून मतदारसंघाचा विकास साधताना रस्ते आणि आरोग्य सुविधांची घडी बसविण्यासाठी विकासाचा हा रथ असाच अखंड सुरू राहील. गावाच्या विकासासाठी निधीची कमतरता भासू देणार नसल्याचे आ. आशुतोष काळे यांनी मढी बु. येथे विविध विकासकामांच्या लोकार्पण व भूमिपूजन सोहळ्याप्रसंगी सांगितले.
तालुक्यातील मढी बु. येथे १ कोटी ३० लाख रुपये निधीतून बांधण्यात आलेल्या प्राथमिक आरोग्य उपकेंद्राचे लोकार्पण व 40 लाख रुपये निधीतून करण्यात येणाऱ्या राज्य मार्ग ७ ग्रामा ३० चारी नं. ७ रस्त्याच्या डांबरीकरण कामाचे भूमिपूजन मंगळवार दि. ३ रोजी आ. आशुतोष काळे यांच्या हस्ते संचालक पाराजी गवळी यांच्या अध्यक्षतेखाली उत्साहाच्या वातावरणात पार पडले. तसेच यावेळी अनिल खैरनार यांनी गावासाठी दिलेल्या वैकुंठरथाचेही लोकार्पण करण्यात आले.
पुढे बोलताना आ. आशुतोष काळे यांनी सांगितले, मढी खु. व मढी बु. व परिसरातील नागरिकांच्या आरोग्य सुविधांचा आणि दळणवळणाचा प्रश्न कायमचा मार्गी लावण्यासाठी महायुती शासनाच्या माध्यमातून निधीची उपलब्ध केली. परिसरातील अनेक गावांसाठी हे आरोग्य केंद्र अत्यंत महत्त्वाचे ठरणार आहे. यापूर्वी ग्रामस्थांना छोट्या-मोठ्या उपचारांसाठी शहराच्या ठिकाणी धाव घ्यावी लागत होती. मात्र आता अद्ययावत इमारत आणि सोयीसुविधांमुळे माता-बाल संगोपन, लसीकरण, आणि प्रथमोपचार यांसारख्या सेवा स्थानिक पातळीवरच उपलब्ध होणार आहेत. आपत्कालीन परिस्थितीत ग्रामस्थांसाठी हे केंद्र लाईफलाईन ठरणार आहे. भागातील शेतकऱ्यांच्या आणि शाळकरी मुला मुलींच्या मागणीनुसार राज्य मार्ग ७ ग्रामा ३० चारी नं. ७ रस्त्याच्या कामाला गती मिळाली आहे. रस्त्यामुळे शेतकऱ्यांना आपला शेतीमाल बाजारपेठेत नेणे सुलभ होईल. दर्जेदार रस्ते हे गावाच्या आर्थिक विकासाची नांदी ठरतील. रस्त्याच्या लगत असलेल्या शेतकऱ्यांनी रस्त्याचे काम पूर्ण होण्याआधी पाण्याची पाईप लाईन करून घ्या रस्त्याचे काम पूर्ण झाल्यावर कुणालाही रस्ता खोदण्याची परवानगी मिळणार नाही. ग्रामस्थांनी रस्त्याच्या कामात लक्ष घालून दर्जेदार काम करून घ्यावे. गावामध्ये जे विकासकामे हवे आहे त्या कामाची क्रमवार ठरावा आणि मला सांगा ती सगळी कामे पुढच्या कालावधीत पूर्ण करू असे आश्वासन आ. आशुतोष काळे यांनी नागरिकांना दिले.आ. आशुतोष काळे यांच्या माध्यमातून मढी गावाचा यामध्ये जि प शाळेच्या तीन खोल्यासाठी ३६ लाख रुपये, मढी खु. फाटा ते उंबरी नाला रस्त्याच्या डांबरीकारणासाठी ३६ लाख रुपये, जन सुविधा योजने अंतर्गत मढी बु. गाव अंतर्गत सिमेंटच्या रस्त्यांसाठी २० लाख रुपये, गावातील विठ्ठल रुख्मिणी मंदिर परिसरात शुशोभीकरणासाठी २० लाख, तलाठी नवीन कार्यालयासाठी २७ लाख, व्यायामशाळा साहित्यासाठी ७ लाख, मुस्लीम समाजाच्या कब्रस्थान सुरक्षा भिंतीसाठी ७ लाख आणि गावातील वाडी वस्त्यांवरील रस्त्यांसाठी लाखो रुपयांचा निधी मिळालेल्या निधीतून गावाचा कसा कायापालट झाला याचा पाढा सरपंच प्रविण निंबाळकर यांनी वाचून दाखवला. यावेळी कर्मवीर शंकरराव काळे सहकारी साखर कारखान्याचे संचालक वसंतराव आभाळे, कोपरगाव तालुका जिनिंग व प्रेसिंग सोसायटीचे संचालक पाराजी गवळी, गौतम केन ट्रान्सपोर्ट कंपनीचे कार्यकारी संचालक सुभाष गवळी, गौतम सहकारी कुक्कुटपालनचे संचालक प्रकाश गवळी, माजी जिल्हा परिषद सदस्य उत्तम कुऱ्हाडे, सोपान आभाळे, राष्ट्रवादी युवती काँग्रेसच्या तालुकाध्यक्षा वैशाली आभाळे, मढी बुद्रुकचे सरपंच प्रविण निंबाळकर, उपसरपंच निवृत्ती गवळी, सुनिल मोकळ, रामनाथ गव्हाणे, अनिल गवळी, नामदेव गवळी मढी बुद्रुकचे ग्रामपंचायत सदस्य, मढी खुर्दचे उपसरपंच, सर्व सदस्य, मढी खुर्द सोसायटी क्र. १ चेअरमन व संचालक, तालुका आरोग्य अधिकारी डॉ. विकास घोलप, विस्तार अधिकारी वाघमोडे, पंचायत समिती शाखा अभियंता राजेंद्र दिघे, पोहेगाव वैद्यकीय अधिकारी डॉ. आकांक्षा वाडेकर, डॉ. गणेश लहिरे ग्रामसेवक नेवगे आदींसह नागरिक मोठ्या संख्येने उपस्थित होते.