गावठाण शाळेत प्रजासत्ताक दिन  साजरा !!

जेऊर कुंभारी वार्ताहर

जिल्हा परिषद प्राथमिक शाळा जेऊर कुंभारी प्राथमिक शाळेत भारताचा ७७ वा प्रजासत्ताक दिन अत्यंत उत्साहात व शिस्तप्रिय वातावरणात साजरा करण्यात आला . सकाळी शाळेतून गावात प्रभात फेरी काढण्यात आली . प्रभात फेरी द्वारे विद्यार्थांनी प्रजासत्ताक दिनाचा विजय असो ! भारत माता की जय ! वंदे मातरम ! कौन करेंगे कौन करेंगे देश का निर्माण ; हम करेगें हम करेंगे ! गंगा नदिका धो – धो पाणी हम सब सारे हिंदुस्थानी ! अशा प्रकारे घोषणा देत शालेय परिसर देश भक्तीमय केला . प्रथम ग्रामपंचायत कार्यालयाचे ध्वजारोहन करण्यात आले . त्यानंतर सर्व विद्यार्थी व उपस्थित ग्रामस्थ शाळेत येऊन उपस्थित मान्यवर माजी सभापती श्री शिवाजीराव आनंदराव वक्ते पा . यांच्या शुभहस्ते शाळेचे ध्वजारोहन शिस्तप्रिय वातावरणात करण्यात आले . त्यानंतर बालविवाह मुक्त भारत ! या सामुहिक प्रतिज्ञा किंवा शपथ चे सामुहिक वाचन शाळेच्या जेष्ठ उपाध्यापिका श्रीमती नलिनी भालेराव मॅडम यानी केले .
तसेच विद्यार्थांनी सादर केलेली संगीतमय कवायत आकर्षणाचा केंद्रबिंदू ठरली . विद्यार्थांनी उत्कृष्ट अशा प्रकारची भाषणे सादर केली . तसेच देश भक्तीपर गीते व समुह नृत्य सादर करून उपस्थितांची मने जिंकली . एकंदरीत विद्यार्थांच्या सादरीकरणातून शिस्त : राष्ट्रप्रेम ; एकात्मता ; व समता यांचा सुंदर असा प्रत्यय आला . यावेळी पंचायत समितीचे माजी सभापती श्री शिवाजीराव आनंदराव वक्ते यांनी मुलांचे कौतूक करून पुढील भविष्या साठी तसेच प्रजासत्ताक दिनांच्या निमित्ताने खुप – खुप शुभेच्छा दिल्या . त्यानंतर शालेय व्यवस्थापन समितीचे अध्यक्ष कैलास विष्णू खटाणे पा . यांनी प्रजासत्ताक दिनाच्या निमित्ताने आपले ओघवत्या शैलीतून मनोगत व्यक्त केले . संविधानाचे महत्व तसेच संविधानाने आपल्याला काय दिले . या बाबत सखोल मार्गदर्शन केले . कार्यकमाचे सुत्रसंचालन शाळेचे मुख्याध्यापक रमेश गुरसळ यांनी केले . सदर कार्यक्रमाच्या प्रसंगी माजी सभापती शिवाजीर वक्ते , गावच्या सरपंच सौ. सुवर्णाताई पवार ,उपसरपंच सौ गंगुबाई जाधव ; सदस्य सौ .अनिता वक्ते ; सौ . वैशाली भोंगळे ; सौ .धनश्री वक्ते तसेच सदस्य किशोर वक्ते , यशवंतराव आव्हाड, ताराचंद लकारे तसेच पोलीस पाटील बाबासाहेब गायकवाड पालकामधून संतोष वक्ते प्रदिप वक्ते, चेतन परे विशाल लकारे ,किरण लकारे सागर पंडोर लखन लिंभुरे ; रोहिदास लिंभुरे ग्रामस्थ बाळासाहेब गुरसळ नानासाहेब गुरसळ तसेच ग्रामपंचायत कर्मचारी क्लार्क आनंद बारसे ,सौ संगिता वक्ते व अंगणावाडी सेविका सौ सुनिता दिवे ; व सौ लिलाताई वक्ते तसेच शालेय पोषण आहार कर्मचारी सौ . मंदा परसैय्या व पालक मोठ्या संख्येने उपस्थित होते . उपस्थित मान्यवरांचे ; ग्रामस्थांचे ; व पालकांचे शाळेचे मुख्याध्यापक गुरसळ सर यांनी आभार मानले . ग्रामस्थांनी दिलेला खाऊ विद्यार्थांना वाटप करून कार्यक्रमाची सांगता करण्यात आली.