कोपरगाव प्रतिनिधी
सोनारी येथील जिल्हा परिषद प्राथमिक शाळेत भारतीय प्रजासत्ताक दिन अत्यंत उत्साहात आणि देशभक्तीमय वातावरणात साजरा करण्यात आला. या निमित्ताने आयोजित सांस्कृतिक कार्यक्रमांनी ग्रामस्थांची मने जिंकली असून, शाळेच्या विकासासाठी दात्यांनी मदतीचा ओघ सुरू केला आहे.
दिमाखदार ध्वजारोहण आणि संगीतमय कवायत व सांस्कृतिक
कार्यक्रम मुख्य आकर्षण ठरले. ध्वजारोहण गावातील माजी सरपंच श्री. धोंडिबा सांगळे व विद्यमान सरपंच सौ. शालिनीताई बद्रिनाथ सांगळे यांच्या हस्ते करण्यात आले. याप्रसंगी कार्यक्रमाच्या अध्यक्षस्थानी श्री.पंढरीनाथ आघाव होते.
मुख्याध्यापक श्री. लतिफखान पठाण यांनी प्रास्ताविकात शाळेतील उपक्रमांचा आढावा घेत भौतिक सुविधांसाठी लोकसहभागाचे आवाहन केले. याला उत्स्फूर्त प्रतिसाद देत उपस्थित ग्रामस्थांनी शाळेच्या भौतिक सुविधांसाठी सहकार्य करण्याचे आश्वासन दिले.
विद्यार्थ्यांच्या आनंदासाठी ग्रामपंचायत सोनारी व गावातील प्रतिष्ठित मान्यवर यांच्या वतीने खाऊ व शालेय साहित्याचे वाटप करण्यात आले.
विद्यार्थ्यांचे कलागुण आणि सांस्कृतिक सोहळा
ध्वजारोहणानंतर विद्यार्थ्यांनी देशभक्तीपर गीतांवर आधारित संगीत कवायत, लेझीम डान्स आणि आकर्षक नृत्ये सादर केली. विद्यार्थ्यांनी मराठी, हिंदी आणि इंग्रजी अशा तिन्ही भाषांतून प्रजासत्ताक दिनाचे महत्त्व पटवून देणारी प्रभावी भाषणे केली. विद्यार्थ्यांच्या या कौशल्यावर खुश होऊन ग्रामस्थांनी त्यांना रोख बक्षिसे देऊन प्रोत्साहित केले.
उपस्थित मान्यवर व उत्कृष्ट नियोजन
कार्यक्रमाचे सूत्रसंचालन आणि नेटके आयोजन मुख्याध्यापक श्री लतिफखान पठाण, सहकारी शिक्षक सोमनाथ काकडे.अंगणवाडी सेविका कल्पना नागरे व अर्चना सांगळे, सरला सांगळे यांनी केले. कार्यक्रमाच्या यशस्वितेसाठी माजी विद्यार्थी अविनाश उगलमुगले, सिद्धार्थ सांगळे गौरव सांगळे , नवनाथ सांगळे, समाधान दराडे, ऋषिकेश उगवमुगले , दीपक दराडे, तेजस सांगळे , रवींद्र पवार, ऋतुजा दराडे यांनी परिश्रम घेतले.या कार्यक्रमासाठी ग्रामविकास अधिकारी श्री. थोरात साहेब व कर्मचारी श्री. माधव कुठे, आरोग्य सेवक श्री. कैलास कुबेर यांनी सहकार्य केले.
याप्रसंगी माजी सरपंच श्री धोंडिबा सांगळे सरपंच सौ. शालिनीताई सांगळे, उपसरपंच पौर्णिमा सांगळे, सदस्य चांगदेव घुगे, गणेश कुटे सर , संजय सांगळे प्रविण सांगळे, अनिल सांगळे ,शाळा व्यवस्थापन समिती अध्यक्ष श्री. संतोष बर्डे व उपाध्यक्ष जालिंदर घुगे, अरुण आव्हाड, गणेश दराडे व सर्व सदस्य, सोनारी सोसायटीचे चेअरमन, व्हाईस चेअरमन, ग्रामस्तरीय अधिकारी, कर्मचारी आणि पालक मोठ्या संख्येने उपस्थित होते. कार्यक्रमाची सांगता मुख्याध्यापक श्री लतिफखान पठाण यांनी मानलेल्या आभार प्रदर्शनाने झाली.
