कोपरगाव प्रतिनिधी
गोदावरी नदी तीरावर वसलेल्या कोपरगांव तालुक्याला पौराणिक, धार्मिक आणि ऐतिहासिक विशेष महत्त्व असून देव-दानवांपासून, साधू-संत, शूरवीर राजे महाराजे आणि त्यांचे वारसांच्या वास्तव्याचे वैभवशाली महत्त्व कोपरगांवकरांनी जतन करण्याचे आवाहन इतिहास संशोधक सुमित डेंगळे यांनी व्याख्यानात केले.पानिपत रणसंग्रामाचा २६५ व्या (मकरसंक्रांती- १७६१) “शौर्य दिवस” निमित्त पानिपत रणसंग्रामातील कोपरगांवात वास्तव्य राहिलेल्या शूरवीरांची आणि शिवकालीन घराण्यांची ऐतिहासिक माहितीचे
गोदातीर परिसर इतिहास संशोधन मंडळ यांचे वतीने श्रीमंत महामहीम पवार सरकार संस्थान (देवास ज्युनिअर) सोमेश्वर महादेव देवस्थान कोपरगांव, जि. अहिल्यानगर, अखिल भारतीय मराठी नाट्य परिषद अहिल्यानगर जिल्हा शाखा, राजे जाधवराव देशमुख ट्रस्ट, सूर्यतेज संस्था, कोपरगांव, यांचे विशेष सहकार्यातून आणि कालांश राजगिरा लाडू / चिक्की (गुळ युक्त) कंपनी., कोपरगांव, साईसेवा एम.आर.आय. व सी.टी. स्कॅन, कोपरगाव यांचे सहभागातून कोपरगांवच्या ऐतिहासिक माहितीचे व्याख्यान प्रथमच कोपरगांव येथे व्याख्यान इतिहास संशोधक व अहिल्यानगर जिल्हा ‘ऐतिहासिक वाडे व घराणी’ पुस्तकाचे लेखक सुमित डेंगळे यांचे व्याख्यान शनिवार दि. १० जानेवारी २०२६ रोजी कृष्णाई बॅक्वेट हॉल, कोपरगांव येथे आयोजित केले होते.व्याख्यानास कोपरगांव न्यायालयाचे न्यायाधीश संजय खैरनार, राजे लखुजीराव जाधवराव देशमुख ट्रस्टचे विश्वस्त राजे अॅड. अशोकराव जाधवराव (देशमुख) , बयाजी नाईक जोंधळे (जहागीरदार) यांचे वंशज दिपकराव जोंधळे, श्रीमंत महामहीम पवार सरकार संस्थान (देवास ज्युनिअर) चे जनरल मुखत्यार महेंद्र पाटील, इतिहास संशोधक व अहिल्यानगर जिल्हा ‘ऐतिहासिक वाडे व घराणी’ पुस्तकाचे लेखक सुमित डेंगळे, गोदातीर परिसर इतिहास संशोधन मंडळाचे सुशांत घोडके, साई सेवा सिटी केअरचे संचालक डॉ. चंद्रशेखर आव्हाड, कालांश उद्योग समूहाचे रोहित काले, चंद्रशेखर देशमुख, शरदराव शिंदे, दत्तोबा जगताप, रविंद्र को-हाळकर, योगेश आढाव, मराठा पंचाचे अॅड. संजय भोकरे, नारायण अग्रवाल, शिवचरित्र व्याख्याते राजेंद्र खैरनार यांचे सह विविध उत्तर अहिल्यानगर जिल्हा आणि कोपरगांव तालुक्यातील विविध राज घराण्यातील वंशज उपस्थित होते.या व्याख्यानात पानिपत रणसंग्रामातील महत्वाचा घटनांची माहिती सांगत गोदावरी नदी तीरावर वसलेल्या कोपरगांव नगरीचे गुरु शुक्राचार्य पासून पौराणिक महत्त्व, राजमाता जिजाऊ यांचे वडील राजे लखुजीराव जाधव यांचे कोपरगांव येथील कुंभारी, माहेगांव येथे देशमुखी सांभाळणारे थेट वंशज, छत्रपती शिवाजी महाराज यांचे भाऊबंद मंजूरचे राजेभोसले, छत्रपती शिवाजी महाराज यांच्या राज्याभिषेकास गागाभट्ट यांचे समवेत उपस्थित असलेले कोपरगांवचे प्रख्यात पंडित निळकंठशास्री चतुर्धारी (चौधरी), पानिपतच्या रणसंग्रामातील सरदार यशवंतराव पवार यांचा पराक्रम, कोपरगांव व जेऊर कुंभारीचा स्वातंत्र्यपूर्व कालखंडापर्यंत कारभार पहाणारे श्रीमंत महामहीम सदाशिवराव पवार सरकार, पवार सरकार यांनी उभारलेली महादेव मंदिरे, अस्पृश्यता निवारणाचे कार्य, अटकेपार योध्दा श्रीमंत राघोबादादा पेशवा यांचे कोपरगांवातील उत्तरार्ध, कोपरगांव येथील वास्तव्यात आनंदीबाई पेशवा यांची रोजनिशीतील माहिती त्यांचे पुत्र चिमणाजी, दूसरा बाजीराव पेशवा यांचे कोपरगांव येथे सात- आठ वर्ष गेलेले बालपण, आग्रा येथील किल्ल्यात छत्रपती शिवाजी महाराज यांच्या झालेल्या अपमानाचा बदला घेण्यासाठी सरदार महादजी शिंदे यांच्या आदेशानुसार आग्राच्या किल्ला जिंकून स्वराज्यात आणणारे कोपरगांव तालुक्यातील वारीचे पराक्रमी रायाजी शिंदे, श्रीमंत मल्हारराव होळकर यांच्या वंशजांचे कोपरगांवनगरीतील योगदान,यासह कोपरगांवातील ऐतिहासिक, शेती, सांस्कृतिक माहितीचा खजिना या व्याख्यानातून उलगडून दाखवला.प्रारंभी भारतमाता पूजन आणि दीप-प्रज्वलन उपस्थित मान्यवर यांचे शुभहस्ते करण्यात आले. पानिपत रणसंग्रामातील शूरवीर यांना आदरांजली वाहण्यात आली. लोककलावंत भानुदास बैरागी यांनी राज्यगीत गायन केले.कार्यक्रमाचे यशस्वीतेसाठी इतिहासाचे प्रा. किरण पवार, आनंद टिळेकर, नंदू मेंगाणे, राहुल शिंदे, जयंत विसपुते, अॅड. जयंत जोशी, महेश थोरात, डाॅ .निलीमा आव्हाड, वर्षा जाधव, ओंकार कोळपकर, अतुल कोताडे, रविंद्र भगत, अमोल पवार यांचे सह अनेकांनी परिश्रम घेतले. स्वागत व प्रास्ताविक सुशांत घोडके यांनी तर सुत्रसंचालन निलम मगर, प्रियंका साटोटे, तर आभार मंगेश भिडे यांनी मानले. वंदेमातरम् सामुदायिक गायनाने कार्यक्रमाची सांगता झाली.कोपरगांवातील ऐतिहासिक माहितीचे प्रथमच अशा विषयावर व्याख्यान आयोजित करण्यात आले होते. सामुदायिक तिळगूळ वाटप करुन मकरसंक्रांत शुभेच्छा देण्यात आल्या.
