जोगेश्वरी इंटरनॅशनल स्कूलमध्ये जागतिक गणित दिनाचे औचित्य साधून गणित प्रदर्शन उत्साहात साजरे!!

जेऊर कुंभारी वार्ताहर

कोपरगाव तालुक्यातील अग्रगण्य असणाऱ्या जोगेश्वरी इंटरनॅशनल स्कूलमध्ये जागतिक गणित दिवस साजरा करण्यात आला. या दिवसाचे औचित्य साधून गणित विषयाचे प्रदर्शन भरविण्यात आले. सर्वप्रथम श्रीनिवास रामानुजन यांना अभिवादन करून तसेच सरस्वती मातेच्या प्रतिमेचे पूजन करुन या कार्यक्रमाची सुरुवात करण्यात आली. या कार्यक्रमाचे प्रमुख पाहुणे म्हणून जिजाई बहुउद्देशीय शैक्षणिक संस्थेचे सचिव श्री. सुनिल होन तसेच संचालक श्री. सागर होन उपस्थित होते. यावेळी इ. ५ वी ते ८ वी च्या विद्यार्थ्यांनी गणित विषयाचे विविध नमुने (Models) सादर केले. तसेच गणित विषयावर इ. ४ थी च्या विद्यार्थ्यांनी गणिताच्या चिन्हावर आधारित नृत्य सादर केले. इ. ५ वी मधील विद्यार्थिनी साईष्का गुरसळ व आदिती होन यांनी गणित विषयावर ऍक्टिविटी सादर केली.तसेच इयत्ता आठवी चे विद्यार्थी श्रावणी होन, धनश्री माकोणे, सिध्दी जाधव, समर्थ दहे, इयत्ता सातवी चे विद्यार्थी गौरेश गुरसळ, समिक्षा वक्ते, रिषभ होन , समर्थ पवार, ईश्वरी माकोणे, अयान सय्यद, श्लोक कुलकर्णी. इयत्ता सहावी चे विद्यार्थी अहद शेख, दुर्गा पवार. इयत्ता पाचवी चे विद्यार्थी शिवन्या पवार, स्वरा होन, आदिती होन , त्रिशा होन , साईश्का गुरसळ, योगेश्वरी होन,उज्ज्वल शिंदे, आहिल पठाण, जिकरा सय्यद , गार्गी गुरसळ, सिध्दी जावळे. इ. विद्यार्थ्यांनी गणित कला सादर केल्या.
श्रीनिवास रामानुजन (गणित तज्ञ) यांचा जन्मदिवस जागतिक गणित दिवस म्हणून साजरा केला जातो. प्राचार्या ज्योती खरात यांनी गणित दिवसाचे औचित्य साधून मुलांना गणित विषयाबद्दल माहिती दिली. मुलांमध्ये गणित विषयाबद्दल जी भिती असते, ती भिती दूर करण्यासाठी त्यांनी मुलांना मार्गदर्शन केले.
या कार्यक्रमाचे सूत्रसंचालन सायली बोरावके यांनी केले, तर शितल होन यांनी आभार व्यक्त केले. या कार्यक्रमासाठी संस्थेचे सचिव सुनिल होन , संचालक सागर होन , प्राचार्या ज्योती खरात , अश्विनी होन, पल्लवी होन,स्वाती वक्ते, स्नेहल होन, मिनल बोरावके, शितल होन, सायली बोरावके, कविता लिंभुरे, रुपाली होन, रेश्मा होन, प्रिती वक्ते, इ. शिक्षक तसेच मुक्ता तुवर, रेणुका साळुंके, शिवाजी जाधव, सादिक सय्यद, भरत पवार, सोमनाथ पवार, इ. शिक्षकेतर कर्मचारी उपस्थित होते.