कोपरगाव प्रतिनिधी
जिल्हा परिषद प्राथमिक शाळा, धारणगाव येथे शाळेचा माजी विद्यार्थी स्नेहमेळावा व वर्धापन दिन सोहळा आणि मोठ्या उत्साहात पार पडला. इयत्ता पहिलीच्या विद्यार्थ्यांच्या हस्ते केक कापून आणि शाळेचे वर्धापन दिन गीत सादर करून कार्यक्रमाची सुरुवात करण्यात आली. यावेळी माजी सरपंच दिपक चौधरी यांनी मुलांच्या टिपरी नृत्याचे विशेष कौतुक केले.तसेच शाळेच्या आठवणींना उजाळा दिला. त्यांनी शिक्षकांकडून गुणवत्तापूर्ण शिक्षणाची अपेक्षा व्यक्त करत, येत्या दोन दिवसांत ‘माजी विद्यार्थी संघाची’ स्थापना जाहीर करण्याचे आश्वासन दिले. गटशिक्षणाधिकारी शबाना शेख यांनी ‘मिशन आपुलकी’ ही एक लोकचळवळ होऊन शाळेच्या व गावाच्या विकासात महत्वपूर्ण योगदान देत असल्याचे प्रतिपादन केले.
शाळेच्या प्रांगणात माजी विद्यार्थ्यांचे शाळेच्या मुलींनी लेझीमच्या तालावर जंगी स्वागत केले आणि सर्वांचे औक्षण करण्यात आले. सहशिक्षिका वैशाली सोनवणे यांच्या मार्गदर्शनाखाली विद्यार्थिनींनी शाळेच्या गीतावर सादर केलेल्या टिपरी नृत्याने उपस्थितांची मने जिंकली.
कार्यक्रमाचे अध्यक्षस्थान मुर्शतपूर शाळेच्या मुख्याध्यापिका महामुनी मॅडम यांनी भूषविले. यावेळी शाळेच्या माजी मुख्याध्यापिका संगीता नाईक मॅडम यांनी शाळेच्या विद्यार्थ्यांसाठी लेखन साहित्य, थोर नेत्यांचे फोटो व रोख रक्कम देऊन शाळेला मदत केली, तसेच विद्यार्थ्यांना बिस्कीट पुड्यांचे वाटप केले. तसेच माजी उपसरपंच गणेश थोरात, महामुनी मॅडम, माजी शाळा व्यवस्थापन समिती अध्यक्ष बाळू मोरे आणि अंगणवाडी सेविका वनिता चौधरी यांनी शाळेला आर्थिक मदत सुपूर्द केली.
या कार्यक्रमास सोपान वहाडणे, सरपंच दिपक चौधरी, उपसरपंच बाबासाहेब वाघ,रमाकांत वाकचौरे, ग्रामपंचायत सदस्य सुरज रणशूर, माजी उपसरपंच गणेश थोरात, शंकर रणशूर,सुभाष रणशूर,अनिल वहाडने, माजी शा.व्य.स. अध्यक्ष बाळू मोरे, राकेश कदम, बाबासाहेब चौधरी, दत्ता पवार, शा.व्य.स. अध्यक्ष निलेश रणशूर, वाल्मीक मोरे, चांगदेव कोकाटे, अवधूत गोर्डे, नानासाहेब चौधरी, आरोग्य अधिकारी विशाल तनपुरे, ग्रामसेविका शिंदे मॅडम, अंगणवाडी सेविका वनिताताई चौधरी, मदतनीस माधुरी नन्नवरे, आरोग्यसेविका सुनिता भंडारी,आशासेविका योगिता सुरे, गंगासागर कोहिटे, वत्सलाबाई सुरे, रोहिणी वहाडने, सविता वहाडने, रंजना चंदनशिव, अलका वाघ, शिवानी सोनवणे, निशा सोनवणे, सोनाली सोनवणे, सुरेखा मोरे, ज्योती पवार आदी मान्यवर उपस्थित होते.
कार्यक्रमाचे सूत्रसंचालन वैशाली सोनवणे यांनी केले तर आभार मुख्याध्यापक नवनाथ सूर्यवंशी यांनी मानले. विद्यार्थ्यांना आजच्या दिवशी गोड जेवण देण्यात आले.
सदर कार्यक्रम यशस्वी करण्यासाठी शाळा व्यवस्थापन समिती अध्यक्ष निलेश रणशूर, वाल्मीक मोरे, अंगणवाडी सेविका वनिता चौधरी, शिक्षिका वैशाली सोनवणे, मदतनीस नन्नवरे, पगारे व मुख्याध्यापक नवनाथ सूर्यवंशी यांनी विशेष परिश्रम घेतले.
