जेऊर कुंभारी वार्ताहर
गिरमेवस्ती जिल्हा परिषद प्राथमिक शाळेमध्ये बालदिन अत्यंत उत्साहात साजरा करण्यात आला. कार्यक्रमाची सुरुवात पंडित जवाहरलाल नेहरू यांच्या प्रतिमेस पुष्पहार अर्पण करून करण्यात आली.
यानंतर विद्यार्थ्यांसाठी विविध उपक्रमांचे आयोजन करण्यात आले. गायन-वाचन, खेळ, नृत्य या स्पर्धांमध्ये विद्यार्थ्यांनी उत्स्फूर्त सहभाग नोंदवला. शिक्षकांनीही विद्यार्थ्यांसाठी विशेष मनोरंजनात्मक कार्यक्रम सादर केला.
कार्यक्रमामध्ये विजेत्या विद्यार्थ्यांना बक्षिसे देऊन गौरविण्यात आले. शिक्षिका ज्योती गोर्डे यांनी पंडित नेहरूजीं च्या जीवनाविषयी माहिती सांगितली. शिक्षक अनुज ढुमणे यांनी मनोगतातून ‘बाल चिमुकले म्हणजे उद्याचे उज्वल भारताचे भविष्य आहे ‘असे सांगितले.विद्यार्थ्यांनी स्वप्नांच्या दिशेने आत्मविश्वासाने वाटचाल करण्याचा संदेश दिला.मुख्याध्यापिका वंदना पर्वत यांनी आभार मानून,खाऊ वाटप करून बालदिनाच्या शुभेच्छा दिल्या.
