जेऊर कुंभारी वार्ताहर
कोपरगाव तालुक्यातील अग्रगण्य असणाऱ्या जोगेश्वरी इंटरनॅशनल स्कूल मध्ये बाल दिन उत्साहात साजरा करण्यात आला.स्वतंत्र भारताचे पहिले पंतप्रधान पंडित जवाहरलाल नेहरू यांची जयंती बालदिन म्हणून संपूर्ण भारतात साजरी केली जाते. सर्वप्रथम पंडित जवाहरलाल नेहरू यांच्या प्रतिमेचे पूजन करून कार्यक्रमाची सुरुवात करण्यात आली. पंडित जवाहरलाल नेहरू हे आपल्या स्वतंत्र भारताचे पहिले पंतप्रधान होते त्यांना मुलांबद्दल खूप प्रेम आणि आपुलकी होती, मुले त्यांना चाचा नेहरू म्हणत असे त्यामुळे त्यांचा जन्मदिन बाल दिन म्हणून साजरा केला जातो.पंडित जवाहरलाल नेहरू यांच्या जयंतीनिमित्त आणि बाल दिनानिमित्त मुलांनी आपले मनोगत व्यक्त केले. पंडित जवाहरलाल नेहरू एक धर्मनिरपेक्ष, मानवतावादी, राष्ट्रवादी आणि एक उत्तम लेखक होते. बालदिनाचे औचित्य साधून रंगोत्सव स्पर्धेतील पारितोषिक मिळवणाऱ्या विद्यार्थ्यांना सर्टिफिकेट ,मेडल आणि भेटवस्तू देण्यात आल्या. तसेच मुलांना चॉकलेट आणि खाऊ वाटप करण्यात आले. बाल दिनाचे औचित्य साधून सार्वमत या वृत्तपत्रातर्फे रंगभरण स्पर्धा घेण्यात आली. या स्पर्धेचा मुलांनी आनंद लुटला. या कार्यक्रमाचे सूत्रसंचालन शितल होन यांनी केले तर सायली बोरावके यांनी आभार व्यक्त केले.तसेच या कार्यक्रमासाठी संस्थेचे सचिव सुनील होन, संचालक सागर होन ,प्राचार्या ज्योती खरात, अश्विनी होन ,पल्लवी होन, स्वाती वक्ते, स्नेहल होन, मीनल बोरावके, शितल होन, सायली बोरावके, कविता लिंभुरे ,रूपाली होन, रेश्मा होन इ. शिक्षक तसेच मुक्ता तुवर, रेणुका काजळे ,शिवाजी जाधव, सादिक सय्यद ,भरत पवार ,साई पवार इत्यादी शिक्षकेत्तर कर्मचारी उपस्थित होते.
