जेऊर कुंभारी वार्ताहर
कोपरगाव तालुक्यातील जेऊर कुंभारी येथील उद्योजक मिलनकुमार दौलतराव चव्हाण यांची जनार्दन स्वामी महाराज समाधीस्थान ट्रस्टच्या विश्वस्त पदी निवड झाली आहे. दिनांक २३ सप्टेंबर रोजी प.पू. रमेशगिरी महाराज तसेच विश्वस्तांच्या उपस्थितीत ही निवड प्रक्रिया पार पडली.
गावाच्या विकासकामांत ते सदैव पुढाकार घेत असून, आपल्या वडिलांच्या स्मरणार्थ स्मशानभूमीला शेड उभारल्याने गावकऱ्यांना अंत्यसंस्काराचे विधी पार पाडणे सोयीस्कर झाले आहे. त्यांच्या या उल्लेखनीय कार्यामुळे ग्रामस्थांमध्ये त्यांचा सन्मान आहे.
या निवडीबद्दल महर्षी शंकरराव कोल्हे कारखान्याचे संचालक
मधुकर वक्ते, शांतीलाल होन, समाजीक कार्यकर्त सुधाकर होन
यांनी त्यांचा सत्कार केला. सत्काराला उत्तर देताना मिलनकुमार चव्हाण म्हणाले, “माझी ही निवड ही जनार्दन स्वामींच्या आशिर्वादाचे फलित आहे.”
गावात त्यांच्या निवडीबद्दल शुभेच्छांचा वर्षाव होत असून उत्साहाचे वातावरण आहे.
