कोपरगाव प्रतिनिधी
जिल्हा अंतर्गत बदली २०२५ मध्ये अनेक शिक्षक-शिक्षिकांच्या बदल्या झाल्या असून त्यापैकी अनेकजण मतदान केंद्रस्तरीय अधिकारी (BLO) म्हणून कार्यरत होते. त्यांच्या जागी नवीन बी.एल.ओ. नेमणुका करताना काही बाबींचा सहानुभूतीपूर्वक विचार व्हावा, अशी मागणी महाराष्ट्र राज्य प्राथमिक शिक्षक संघाच्यावतीने तहसिलदार कोपरगाव यांच्याकडे निवेदनाद्वारे करण्यात आली.
निवेदनात मांडण्यात आलेल्या प्रमुख मागण्या पुढीलप्रमाणे आहेत :
१) महिला शिक्षकांना बी.एल.ओ. कामातून वगळण्यात यावे.
२) मुख्याध्यापक पदाचा पदभार सांभाळणाऱ्यांना बी.एल.ओ. काम सोपविण्यात येऊ नये.
३) नवीन बी.एल.ओ. आदेश देताना ५०% माध्यमिक शिक्षकांचा विचार करण्यात यावा.या प्रसंगी संघ प्रणित मंडळाचे जिल्हा कार्याध्यक्ष श्री. अशोक कानडे, तालुका अध्यक्ष वाल्मिकराव खंडीझोड, तालुका नेते मुरलीधर वाकचौरे, सांस्कृतिक अध्यक्ष संजय खरात, जिल्हा युवा सरचिटणीस लक्ष्मीकांत वाडीले, जिल्हा युवा उत्तरप्रमुख नवनाथ सूर्यवंशी, नेते श्री. शिवाजी वळवी, जिल्हा नेते देवराम खेमनर, कोषाध्यक्ष अमोल थिटे आदी मान्यवर उपस्थित होते.
निवेदन दिल्याबद्दल महाराष्ट्र राज्य प्राथमिक शिक्षक संघाचे राष्ट्रीय नेते श्री. चांगदेवराव ढेपले, उपाध्यक्ष श्री. ज्ञानेश्वर सैंदाणे, श्री. भास्कर सोनवणे, धोंडीबा भोजने, दिपक झावरे,
लतीफ पठाण, महेंद्र गोसावी, श्री. योगेश मोरे, श्री. नितीन लोहार तसेच महिला आघाडीच्या सुलोचना कुळधरण, सुनीता सोनवणे, उज्वला बोरसे, सुरेखा उगले, भाग्यश्री गिरी, जिल्हा कार्याध्यक्ष महिला ताई माघाडे यांनी आभार मानले.
