जेऊर कुंभारी वार्ताहर
जिल्हाअंतर्गत बदली प्रक्रियेत नवनाथ सूर्यवंशी यांची बदली धारणगाव या ठिकाणी झाल्याने हॅरिसन ब्रँच शाळेमध्ये आज त्यांचा निरोप समारंभ आयोजित करण्यात आला होता. सर्व ग्रामस्थांतर्फे त्यांचा सहृदय सत्कार करण्यात आला. यावेळी बोलताना मान्यवरांनी त्यांनी केलेल्या कार्याचे कौतुक केले. शिक्षण प्रेमी नागरिक विजय रोहोम यांनी आपल्या भाषणात शाळेच्या भौतिक, शैक्षणिक विकासात सरांचा व त्यांच्या सहकारी शिक्षकांचा मोलाचा वाटा होता. विद्यार्थी हिताचे सर्व प्रकारचे उपक्रम ते शाळा स्तरावर आयोजित करत होते.ते एक उपक्रमशील शिक्षक होते.त्यांना पुढील शैक्षणिक वाटचालीस शुभेच्छा दिल्या.
सत्काराला उत्तर देताना सूर्यवंशी यांनी सर्व मान्यवरांचे,ग्रामस्थांचे,पालक,माजी विद्यार्थी,सहकारी शिक्षक यांनी आत्तापर्यंत केलेल्या सहकार्यासाठी आभार मानले.
यावेळी माजी पंचायत समिती सभापती शिवाजीराव वक्ते,संजीवनी कारखान्याचे माजी संचालक मधुकरराव वक्ते,संजीवनी कारखान्याचे संचालक सतिषराव आव्हाड, विजयराव रोहोम, दिनकरराव भाबड, उपसरपंच गंगुताई जाधव, माजी उपसरपंच यशवंतराव आव्हाड, सेवानिवृत्त शिक्षक चांगदेव वक्ते, संजय दळवी, रोहित वक्ते, शाळा व्यवस्थापन समिती अध्यक्ष सतिष पवार, शैलेश दळवी, गोरख देवकर, असिर शेख,एकता ग्रुपचे सर्व सदस्य, मुख्याध्यापिका रंजना डोंगरे, शिक्षिका पूजा गीते, स्वयंपाकी रंजना दळवी, माजी विद्यार्थी, पालक, अंगणवाडी सेविका, शाळेतील सर्व विद्यार्थी उपस्थित होते.
