जेऊर कुंभारी वार्ताहर
कोपरगाव तालुक्यातील डाऊच खुर्द येथील जोगेश्वरी इंटरनॅशनल स्कूल मध्ये ७९ वा स्वातंत्र्य दिन उत्साहात साजरा करण्यात आला यावेळी जिजाई बहुउद्देशीय शैक्षणिक संस्थेचे अध्यक्ष श्री भास्करराव होन हे कार्यक्रमाचे अध्यक्ष स्थानी होते. संस्थेचे सचिव सुनील होन व संचालक सागर होन हे कार्यक्रमाचे प्रमुख पाहुणे म्हणून उपस्थित होते.
संस्थेचे अध्यक्ष भास्करराव होन यांच्या हस्ते ध्वजारोहण पार पडले.या वेळी पाचवीच्या विद्यार्थ्यांनी ध्वजगीत सादर केले व सागर होन यांच्या मार्गदर्शनाखाली विद्यार्थ्यांनी कवायत करत ध्वजाला सलामी दिली.या कार्यक्रम प्रसंगी मागील शैक्षणिक वर्षात वार्षिक परीक्षेत उत्तीर्ण झालेले प्रथम ,द्वितीय व तृतीय विद्यार्थ्यांना सन्मानचिन्ह देण्यात आले.
यावेळी विद्यार्थ्यांनी स्वातंत्र्य दिनाच्या शुभेच्छा देत आपल्या मनोगतात आपल्या देशाला स्वातंत्र्य किती अथक परिश्रमाने मिळाले हे सांगितले. तसेच के जी च्या विद्यार्थ्यांनी कविता व गोष्टी सादर केल्या. तसेच अहद शेख , सिद्धी जाधव व धनश्री माकोने , साईराज वक्ते या विद्यार्थ्यांनी देशभक्तीपर गीत सादर केले. तसेच पाचवी,सहावी व सातवीच्या विद्यार्थ्यांनी समूहगीत सादर केले.तसेच इयत्ता पहिलीच्या विद्यार्थ्यांनी फिर भी दिल है हिंदुस्तानी , चौथीच्या विद्यार्थ्यांनी लेहेरा दो व सहावी, सातवी, व आठवीच्या विद्यार्थिनींनी लेझीम पथकाने बेटी हिंदुस्तान की या गाण्यावर नृत्य सादर केले. तसेच प्राचार्या सौ. ज्योती खरात यांनी आपल्या भाषणात सांगितले की आपल्या देशाला स्वातंत्र्य मिळवून देण्यासाठी क्रांतिवीरांनी आपल्या प्राणाचे बलिदान दिले. त्या सर्व क्रांतिविरांना त्यांनी वंदन केले.
या कार्यक्रमाचे सूत्रसंचालन श्रद्धा होन यांनी केले. तसेच अश्विनी होन यांनी सर्वांचे आभार मानले. यावेळी प्राचार्या ज्योती खरात, पल्लवी होन, स्वाती वक्ते, स्नेहल होन, शितल होन, मिनल बोरावके, सायली बोरावके, अश्विनी पवार,कविता लिंभुरे इत्यादी शिक्षक तसेच मुक्ता तुवर , कांचन आव्हाड ,शिवाजी जाधव , भरत पवार ,साई पवार, सादिक सय्यद ,सोमनाथ पवार, साई पवार इत्यादी शिक्षकेत्तर कर्मचारी उपस्थित होते. तसेच पालक संघाचे पदाधिकारी व पालक देखील उपस्थित होते.
