जेऊर कुंभारी वार्ताहर
जिल्हा परिषद शाळा गिरमेवस्ती येथे “तलाव क्षेत्र भेट” उपक्रम अंतर्गत विद्यार्थ्यांसाठी एक अभ्यासपूर्ण व अनुभवसमृद्ध क्षेत्र भेट आयोजित करण्यात आली.
या उपक्रमाचा उद्देश विद्यार्थ्यांना स्थानिक जलस्रोत, जलसंवर्धन व पर्यावरणीय समज याची प्रत्यक्ष माहिती देणे हा होता. विद्यार्थ्यांनी तलावाची रचना, त्यातील पाण्याचा साठा, पाणवठा म्हणून त्याचा उपयोग, तसेच जलचरांचे निरीक्षण आदी महत्त्वपूर्ण गोष्टी प्रत्यक्ष पाहून अनुभवल्या.शाळेच्या मुख्याध्यापिका प्रियांका जोशी व सहशिक्षक अनुज ढुमणे यांच्या मार्गदर्शनाखाली विद्यार्थ्यांनी शिस्तबद्धपणे ही क्षेत्रभेट पार पाडली. शिक्षक अनुज ढुमणे यांनी विद्यार्थ्यांना जलचक्र, पाण्याचे साठवण व संवर्धन यावर मार्गदर्शन केले.
या उपक्रमामुळे विद्यार्थ्यांमध्ये निसर्गाविषयी प्रेम, संरक्षणाची जाणिव, व विज्ञानातील उपयोगितेची समज निर्माण झाली.” असे मत मुख्याध्यापिका प्रियंका जोशी यांनी व्यक्त केले.
शाळा व्यवस्थापन समितीने व पालकांनी या उपक्रमाचे कौतुक केले.
