जेऊर कुंभारी वार्ताहर
कोपरगाव तालुक्यातील जेऊर कुंभारी गावठान येथील जिल्हा परिषद प्राथमिक शाळा जेऊर कुंभारी येथे ५ जुलै रोजी आषाढी एकादशी निमित्ताने शिक्षणाची वारी ! विठ्ठलाच्या दारी !! विठ्ठलाचे नामस्मरण करत शालेय विद्यार्थ्यांची ग्रंथदिंडी, वृक्षदिंडी तसेच पालखी काढण्यात आली. विठठ्लाच्या नामाचा जयघोष करण्यात आला . गजर हरिनामाचा झेंडा रोवला. बाल दिंडीच्या प्रभात फेरीच्या माध्यमातून आषाढी एकादशीचे निमित्ताने शाळेपासून गावातून तसेच गोदावरीचे तिरावर असलेले पुरातन महादेव मंदिरा पर्यंत दिंडिचे आयोजन करण्यात आले . दिंडिमध्ये मोठ्या संख्येने गावातील नागरीक व महिलांनी सहभाग घेतला . दिंडिच्या पुढे महिलांनी रांगोळी काढली . गावातील महिलांनी आपल्या घरासमोर दिंडी आल्यावर पुजा अर्चा केली . महिलांनी मनसोक्त फुगडी खेळण्याचा आनंद लुटला . बाल चिमुकल्यांनी विठठलाच्या नामाचा जयघोष करत वातावरण भकिमय केले . गावातील मारुती मंदीर तसेच महादेव मंदिरा पुढे गोल रिंगन करत नाचु किर्तनाचे रंगी ! ज्ञान दिप लावू जगी ! असे म्हणत समुह नृत्य केले . बाल चिमुकल्यांनी विठठल रुक्खमीनीचे रूप धारण केले होते . सदर पालखी सोहळ्यात मुलींनी तुलसी वृंदावन आपल्या डोक्यावरती घेत शोभा वाढवली . सदर प्रसंगी विद्यार्थानी आकर्षक ड्रेपरी केली होती . शाळेचे मुख्याध्यापक श्री गुरसळ सर यांनी आषाढी वारीचे महत्त्व सांगितले तसेच शाळेचे मुख्या . यांनी पर्यावरण संवर्धनासाठी प्रभात फेरीच्या माध्यमातून झाडे लावा झाडे जगवा, एक मुल एक झाड, झाडे लावा झाडे जगवा पर्यावरणाचे रक्षण करा. तुळशी चे महत्व काय आहे , हे प्रभात फेरीच्या माध्यमातून वृक्षदिंडी काढून पर्यावरणाचे महत्त्व सांगण्यात आले. जनजागृती करण्यात आली. गावातील महिलांनी पांडूरंगाच्या गीतांचे गायन केले . शाळेतील उपाध्यापिका श्रीमती वंदना पर्वत मॅडम यांनी दिंडितील सहभागी विद्यार्थाची आकर्षक ड्रेपरी केली . तसेच विद्यार्थांना व गावातील नागरीक व महिलांना केळीचे वाटप केले . नागरीकांनी मुलांना चॉकलेट वाटले . अंगणवाडी ताई सौ .दिवे ; व सौ .वक्ते मॅडम व बालवाडी चे विद्यार्थी देखील दिंडी मध्ये सहभागी झाले होते . सदर पालखी सोहळ्या मध्ये शाळेचे शालेय व्यवस्थापन समिती अध्यक्ष श्री कैलास भाऊ खटाणे तसेच ग्राम पंचायत सदस्य किशोर वक्ते व गावातील नागरीक व महिला उपस्थित होत्या . दिंडीसाठी पालकांचे सहकार्य लाभले . विद्यार्थी शिक्षक पालक यां विठलभक्तांनी आषाढी एकादशीच्या निमित्ताने उस्फूर्तपणे आनंद घेतला. शेवटी शाळेच्या मुख्याध्यापकांनी सर्वांचे आभार मानले . व दिंडिची सांगता करण्यात आली .
