कोपरगाव प्रतिनिधी
५जुलै रोजी जिल्हा परिषद प्राथमिक शाळा काकडी येथे आषाढी एकादशी निमित्त बाल गोपाळांची वृक्षदिंडी आणि पायी दिंडी सोहळ्याचे आयोजन करण्यात आले होते. सदर दिंडी सोहळ्याचे आयोजन न्यू इंग्लिश स्कूल काकडी तसेच जिल्हा परिषद प्राथमिक शाळा काकडी यांच्या संयुक्त विद्यमाने आयोजन करण्यात आले होते.
दिंडीमध्ये विद्यार्थ्यांनी पर्यावरण सुरक्षिततेविषयी विविध घोष वाक्यांचे पोस्टर हातात घेऊन उपस्थितांचे लक्ष वेधले. पर्यावरण वाचवायचे असेल तर प्रत्येकाने किमान एक झाड लावावे असे आवाहन प्राथमिक शाळेतील मुलांनी केले. पायी दिंडी सोहळ्यामध्ये दोन्ही विद्यालयाचे विद्यार्थी मोठ्या उत्साहाने सहभागी झाले होते. विद्यार्थ्यांनी रिंगण धरून संत नामदेव यांच्या जीवनातील देखावा सादर करून संत नामदेवाच्या भक्ती मार्गाचा संदेश दिला. दिंडीमध्ये बालगोपाला सह त्यांचे पालक आभार वृद्ध देखील मोठ्या उत्साहाने आणि आनंदाने सहभागी होते. विद्यार्थ्यांसोबतच अनेक आबाल वृद्ध आणि पालकांनी देखील फुगडीचा आनंद घेतला.
गावातील दानशूर आणि प्रतिष्ठित नागरिकांनी सर्व विद्यार्थ्यांसाठी खिचडी केळी आणि राजगिरा लाडू अशा पदार्थांची विद्यार्थ्यांना मेजवानी दिली.
सदर दिंडी यशस्वी होण्यासाठी राजमुद्रा प्रतिष्ठानचे अध्यक्ष माननीय श्री प्रभाकर भाऊ पाटील गुंजाळ माननीय श्री विवेक भैय्या कोल्हे युवक मित्र मंडळ चे अध्यक्ष माननीय श्री. संदीप सोनवणे व त्यांचे मित्र मंडळ तसेच दोन्ही विद्यालयातील सर्व शिक्षक व सेवक वर्ग यांनी खूप मेहनत घेऊन हा कार्यक्रम यशस्वी केला.
कार्यक्रमाचे नियोजन केल्याबद्दल काकडी ग्रामपंचायत सरपंच उपसरपंच ग्रामपंचायत सदस्य तसेच प्रतिष्ठित नागरिक या सर्वांनी सर्व शिक्षक वृंद व उपस्थिततांचे कौतुक केले.
