जेऊर कुंभारी वार्ताहर
कोपरगाव तालुक्यातील शैक्षणिक दृष्ट्या अग्रगण्य असणाऱ्या डाऊच खुर्द येथील जोगेश्वरी इंटरनॅशनल स्कूलमध्ये आज दिनांक ५ जुलै रोजी आषाढी एकादशी उत्साहात साजरी करण्यात आली.
कार्यक्रमाचे प्रास्ताविक स्वाती वक्ते यांनी केले. ज्ञानोबा माऊलीच्या गजरात विलोभनीय दिंडी सोहळा शाळेच्या प्रांगणात करण्यात आला. संपूर्ण वातावरण भक्तिमय झाले.जिजाई बहुउद्देशीय शैक्षणिक
संस्थेचे अध्यक्ष भास्कररावजी होन व संस्थेच्या उपाध्यक्षा अल्काताई होन यांच्या हस्ते विठूमाउलीच्या प्रतिमेचे व पादुकांचे पूजन केले.तसेच संस्थेचे सचिव सुनील होन व अश्विनी होन, संचालक सागर होन व पल्लवी होन यांच्या हस्ते विठूमाऊलीची आरती करण्यात आली.
या प्रसंगी इयत्ता ३ री चा विद्यार्थी कु.आयुष गायकवाड हा विठूराया तर इयत्ता ४ थी ची आराध्या पवार ही रुख्मिणी बनली.
यावेळी प्राचार्या खरात मॅडम यांनी विद्यार्थ्यांना आषाढी एकादशी बद्दल माहिती सांगितली. तसेच सर्व विद्यार्थी व विद्यार्थींनीनी वारकरी वेशभुषा परिधान करून टाळ व मृदुंगाच्या गजरात भक्तिजल्लोष केला.
सर्व वर्गातील विद्यार्थ्यानी भक्तिगीतावर नृत्य सादर केले तसेच आषाढी एकादशी चे औचित्य साधुन विद्यार्थ्यांना केळी वाटप करण्यात आली.
या कार्यक्रमाचे सूत्रसंचालन स्वाती वक्ते यांनी केले तर श्रद्धा पवार यांनी आभार व्यक्त केले.
यावेळी सचिव सुनील होन,संचालक सागर होन, प्राचार्या ज्योती खरात,अश्विनी होन,पल्लवी होन,स्वाती वक्ते,श्रद्धा होन,स्नेहल होन,मिनल बोरावके,शितल होन,सायली बोरावके,निशा पवार, अश्विनी पवार इ.शिक्षक तसेच मुक्ता तुवर, कांचन आव्हाड ,वाल्मीक होन,सादिक सय्यद,शिवाजी जाधव,सोमनाथ पवार भरत पवार इ. शिक्षकेत्तर कर्मचारी उपस्थित होते.
