कोपरगाव प्रतिनिधी
संजीवनी उद्योग समूहाचे अध्यक्ष, सहकार क्षेत्रातील प्रेरणास्थान आणि सामाजिक जाणिवेचे भान जपणारे बिपीनदादा कोल्हे यांचा वाढदिवस २१ जून रोजी साजरा होणार आहे. परंतु, नेहमीच्या हार-तुरे, बुके यांच्या पलीकडे जाऊन बिपीनदादा यांनी गेल्या अनेक वर्षांपासून एक आगळी-वेगळी आणि समाजहिताची परंपरा सुरू केली आहे. शालेय साहित्याच्या रूपाने शुभेच्छा स्वीकारण्याचा आदर्श त्यांनी सर्वांसमोर नेहमी ठेवला आहे.
या उपक्रमांतर्गत वाढदिवसाच्या निमित्ताने हजारो विद्यार्थ्यांना वह्या, पुस्तके, पेन, दप्तर यांसारखे शालेय साहित्य मोफत देण्यात येते. आर्थिकदृष्ट्या दुर्बल वर्गातील विद्यार्थ्यांना या उपक्रमाचा मोठा लाभ होतो. शिक्षण हीच खरी गुंतवणूक आहे, हा संदेशच बिपीनदादा आपल्या कृतीतून समाजाला देत असतात.याशिवाय, वाढदिवसाच्या निमित्ताने पर्यावरणपूरक उपक्रम म्हणून वृक्षारोपण, आरोग्य तपासणी शिबिरे, स्वच्छता मोहिमा, रक्तदान शिबिरे अशा विधायक उपक्रमांचे आयोजन संजीवनी संस्थांमार्फत करण्यात येते. नागरिक, कार्यकर्ते आणि संस्था यांच्या सहकार्याने हे उपक्रम भव्य स्वरूपात पार पडतात.या संकल्पनेतून, वाढदिवस केवळ औपचारिकतेपुरता न राहता, तो समाजासाठी प्रेरणा देणारा आणि उपयुक्त दिवस ठरतो. नागरिकांनीही हार-तुरे, बुके न देता, सामाजिक उपक्रमांत भाग घेऊन शुभेच्छा द्याव्यात, असे आवाहन संस्थेच्यावतीने करण्यात आले आहे.
शुभेच्छा जनसेवेच्या कृतीतून’ ही संकल्पना रूजवणारे बिपीनदादा कोल्हे आजच्या काळात समाजप्रबोधनाचा आदर्श उदाहरण ठरले आहेत.
