कोपरगाव प्रतिनिधी
फेब्रुवारी-मार्च २०२५ मध्ये घेण्यात आलेल्या एस.एस.सी. परीक्षेमध्ये कर्मवीर शंकरराव काळे एज्युकेशन सोसायटी, संचालित गौतम पब्लिक स्कूलचा निकाल १००% लागला असून गौतम पब्लिक स्कूलने आपली १९ वर्षापासून १००% निकालाची ऐतिहासिक परंपरा याहीवर्षी अबाधित ठेवली असल्याची माहिती प्राचार्य नूर शेख यांनी दिली आहे.महाराष्ट्र स्टेट बोर्डाने फेब्रुवारी-मार्च २०२५ घेतलेल्या एस. एस. सी. परीक्षेसाठी गौतम पब्लिक स्कूलचे एकूण १२० विद्यार्थी प्रविष्ट झालेले होते. यामध्ये ९०% पेक्षा जास्त विद्यार्थ्यांनी गुण मिळविले आहे. तर ७५% ते ९०%च्या वर ६६ विद्यार्थी, ६०% ते ७४ % च्यावर ४४ विद्यार्थी तर ६०% पर्यंत ०९ विद्यार्थ्यांनी उत्तीर्ण होवून उज्वल यश संपादन केले आहे. यामध्ये प्रथम पाच विद्यार्थी पुढीलप्रमाणे असून यामध्ये कु.साक्षी विश्वनाथ वाबळे या विद्यार्थिनीने ९१.६० % गुण मिळवून शाळेत प्रथम येण्याचा मान मिळविला आहे.तर सार्थक संजय लगड या विद्यार्थ्याने ९०.२०% गुण मिळवून द्वितीय क्रमांक पटकावला आहे. कु.ईश्वरी संदीप बोरनर हिने ८९.००% गुण मिळवून तृतीय क्रमांक व शोयब मुजीब सय्यद या विद्यार्थ्याने ८८.२०% गुण मिळवून चतुर्थ तर कृष्णा खंडेराव पानगव्हाणे या विद्यार्थ्याने ८७.४०% गुण मिळवून पाचवा क्रमांक मिळविला आहे.
उज्वल यश संपादन करणाऱ्या सर्व यशस्वी विद्यार्थ्यांचे कर्मवीर शंकरराव काळे एज्युकेशन सोसायटीचे चेअरमन मा.आ.अशोकराव काळे, विश्वस्त आ.आशुतोष काळे, सचिव सौ. चैतालीताई काळे, व्हा.चेअरमन छबुराव आव्हाड, सर्व गव्हर्निंग कौन्सिल सदस्य, संस्था इन्स्पेक्टर नारायण बारे यांनी शाळेचे प्राचार्य नूर शेख व विद्यार्थ्यांना मार्गदर्शन करणारे सर्व शिक्षकांचे अभिनंदन करून विद्यार्थ्यांना व विद्यार्थ्यांच्या पालकांना शुभेच्छा दिल्या आहेत.अभ्यासाबरोबरच कला, क्रीडा क्षेत्रात देखील अव्वल असणाऱ्या गौतम पब्लिक स्कुलचा मागील १९ वर्षापासून १००% निकाल लागत आहे. संस्थेच्या सचिव सौ. चैतालीताई काळे यांच्या मार्गदर्शनाखाली दरवर्षी शंभर टक्के निकालाची व उज्वल यशाची ऐतिहासिक परंपरा गौतम पब्लिक स्कूलने जपली आहे. गौतम पब्लिक स्कूलमध्ये कोळपेवाडी परिसराबरोबरच राज्याच्या कानाकोपऱ्यातील विद्यार्थी शिक्षण घेवून आपले भविष्य उज्वल करीत आहेत.गौतम पब्लिक स्कूल सर्वच बाबतीत नेहमीच अव्वल राहणार विद्यार्थी व पालकांच्या विश्वासाला पात्र ठरलेले गौतम पब्लिक स्कूलने नावाजलेले विद्यालय म्हणून आपली वेगळी ओळख जपली आहे.सर्व शिक्षक वृंद आपली जबाबदारी योग्य पद्धतीने पार पडत असून विद्यार्थ्यांचे उज्वल भविष्य घडवत आहे. त्यामुळे गौतम पब्लिक स्कूल मध्ये दरवर्षी प्रवेशासाठी विद्यार्थ्यांची मोठी गर्दी होत असते व दरवर्षी शाळा सुरु होण्यापूर्वीच गौतम पब्लिक स्कूलची प्रवेश क्षमता पूर्ण होते. गौतम पब्लिक स्कूलचे कला, क्रीडा क्षेत्रात देखील मोठे नाव असून सर्वच बाबतीत अव्वल असणारे गौतम पब्लिक स्कूल यापुढेही सर्वच बाबतीत नेहमीच अव्वल राहील.- सौ.चैतालीताई काळे.
