जेऊर कुंभारी वार्ताहर
कोपरगाव तालुक्याच्या ग्रामीण भागातील अग्रगण्य जिजाई बहुउद्देशीय संस्थेच्या जोगेश्वरी इंटरनॅशनल स्कूलचे स्नेहसंमेलन मोठ्या उत्साहात पार पडले .दिनांक १२ मार्च च्या रम्य सायंकाळी नेत्रदीप विद्युत रोषणाईत संपन्न झालेल्या या भव्य दिव्य कार्यक्रमात जोगेश्वरी इंटरनॅशनल स्कूल या संस्थेचे अध्यक्ष भास्करराव होन व उपाध्यक्षा अलकाताई होन ,संस्थेचे सचिव सुनील होन व अश्विनी होन संस्थेचे संचालक सागर होन व पल्लवी होन ,संस्थेच्या प्राचार्या ज्योती खरात व कराटे प्रशिक्षक पोपटराव होन यांच्या हस्ते छत्रपती शिवाजी महाराज व सरस्वती माता यांच्या प्रतिमांचे पूजन करण्यात आले. त्यानंतर सर्व मान्यवरांचे सत्कार करण्यात आले. त्यानंतर रंगोत्सव आंतरराष्ट्रीय स्पर्धेतील विजेत्यांना मान्यवरांच्या हस्ते पारितोषिक देण्यात आले .जोगेश्वरी इंटरनॅशनल स्कूल आयोजित मैदानी वार्षिक खेळाच्या स्पर्धेचे पिंक क्रिकेट टीम व पिंक खो-खो टीम या विजेता संघास मान्यवरांच्या हस्ते बक्षीस वितरण करण्यात आले. तसेच कबड्डी या खेळामध्ये मुलांच्या संघामधून ब्लॅक पॅंथर या संघास व मुलीच्या संघामधून जिंदा लायन या संघास बक्षीस वितरण करण्यात आले. संस्थेच्या प्राचार्या ज्योती खरात यांनी शालेय वार्षिक गुणवत्ता तसेच विविध उपक्रमाची माहिती दिली . तसेच संस्थेचे सचिव सुनील होन यांनी आपली ग्रामीण भागातली संस्था असून तिला उत्कृष्ट करण्यासाठी सर्वतोपरी प्रयत्न केले जाईल असे आपल्या भाषणात सांगितले .त्यानंतर विद्यार्थ्यांनी सांस्कृतिक कार्यक्रमाच्या माध्यमातून आपल्या कलागुणांचे भव्य दिव्य प्रदर्शन केले यात चौथीच्या विद्यार्थिनींनी गणेश वंदना या गाण्याने सुरुवात केली. तसेच नर्सरीच्या विद्यार्थ्यांनी बादल पे पाव हे व एलकेजी च्या विद्यार्थ्यांच्या जुबी डुबी व गलतीसे मिस्टेक या गीताला प्रेक्षकांनी अक्षरशः डोक्यावर घेतले. त्यानंतर युकेजी चा मुलांनी उधळ हो व मुलींनी चिटिया कलया या गाण्यावरती नृत्य सादर केले. तसेच पहिलीच्या विद्यार्थ्यांनी सुन मितवा व मुलींनी परमसुंदरी या गाण्यावर नृत्य सादर केले. दुसरीच्या विद्यार्थ्यांनी मिशन मंगलम आणि करंट लगा रे या गाण्यावर नृत्य सादर करून प्रेक्षकांचे मन मोहुन टाकले. इयत्ता तिसरीच्या विद्यार्थ्यांनी आई-वडिलांवरती आधारित ये तो सच है की भगवान है व मुलींनी मराठी संस्कृतीतील विविध सणाविषयीची संस्कृती आपल्या नृत्या मधून सादर केली. तसेच इयत्ता चौथी ते पाचवीच्या विद्यार्थिनींनी स्री- भृण हत्या रोखण्यासाठी सेव्ह गर्ल हे नृत्य सादर करून यातून “लेक वाचवा “हा संदेश देण्यात आला व झाशीची राणी वरती एक सुंदर असे नृत्य सादर करण्यात आले . तसेच चौथीच्या मुलांनी महादेवाच्या बम बोले या गाण्यावर ती ठेका धरला व रक्तचरित या गाण्यावर ती आकर्षक असे नृत्य सादर केले. तसेच पाचवी ते सातवीच्या विद्यार्थ्यांनी बाजीप्रभू देशपांडे यांच्या जीवनावरती आधारित एक सुंदर असे नाट्य नृत्य सादर केले व शहीद जवानावर ती आधारित सुंदर असे नृत्य व नाट्य सादर करण्यात आले. वरील सर्व नाट्य व नृत्यांनी सर्व प्रेक्षकांचे मन जिंकून घेतले. मुलींची सुरक्षितता यासाठी कराटे प्रशिक्षण ही काळाची गरज आहे हे ओळखून यासाठी जोगेश्वरी इंटरनॅशनल स्कूल मध्ये नियमित मुला व मुलींना कराटे प्रशिक्षण दिले जाते या सर्व मुला मुलींचे कराटे प्रात्यक्षिक पोपटराव होन या कराटे प्रशिक्षकाच्या मार्गदर्शनाखाली दाखवण्यात आले. या कार्यक्रमाचे प्रास्ताविक स्वाती होन यांनी केले तर सूत्रसंचालन सविता होन यांनी केले, या कार्यक्रमाचे आभार प्रदर्शन श्रद्धा होन यांनी मानले तसेच मंचावरील सर्व नियोजन पल्लवी होन यांनी पार पाडले.सदर वार्षिक स्नेहसंमेलन यशस्वी करण्यासाठी संस्थेचे अध्यक्ष भास्करराव होन, सचिव सुनील होन व अश्विनी होन ,संचालक सागर होन व पल्लवी होन ,प्राचार्या ज्योती खरात ,स्वाती वक्ते, सविता होन, श्रद्धा होन ,स्नेहल होन, मीनल बोरावके ,शितल होन इत्यादी शिक्षिका व मुक्ता तुवर ,शिवाजी जाधव, वाल्मीक होन ,सादिक सय्यद ,सोमनाथ पवार इत्यादी शिक्षकेतर कर्मचाऱ्यांनी अथक परिश्रम घेतले व शेवटी या कार्यक्रमाची सांगता राष्ट्रगीताने झाली.
