जेऊर कुंभारी वार्ताहर
कोपरगाव तालुक्यातील चांदेकसारे येथील जोगेश्वरी इंटरनॅशनल स्कूलमध्ये महिला दिन मोठ्या उत्साहात साजरा करण्यात आला.
यावेळी संस्थेचे अध्यक्ष भास्करराव होन हे या कार्यक्रमाचे अध्यक्ष होते. तर संस्थेचे सचिव सुनील होन व संचालक सागर होन या कार्यक्रमाचे प्रमुख पाहुणे म्हणून उपस्थित होते. यावेळी जागतिक महिला दिनाच्या निमित्ताने विद्यार्थिनींनी वेगवेगळ्या महान महिलांच्या वेशभूषा करून आपले मनोगत व्यक्त केले.
आपली संस्कृती व आपले संस्कार हेच आपले सुरक्षा कवच असते. योग्य संस्कार व संस्कृतीचा अवलंब करून समाजात वावरणाऱ्या महिला आज उच्च पदावरती कार्यरत आहे. त्यांचा आदर्श घेऊन आपणही आपले संस्कार व संस्कृती जपत आपले ध्येय मिळवण्यासाठी प्रयत्न केले पाहिजे असे संस्थेचे सचिव सुनील होन यांनी आपल्या भाषणात सांगितले, तसेच संस्थेचे संचालक सागर होन व प्राचार्या ज्योती खरात यांनी महिलांचे सक्षमीकरण, महिलां चा आदर आणि महिलांचे हक्क याविषयी आपले मनोगत व्यक्त केले.तसेच स्वाती होन, सविता होन व शितल होन यांनी देखील महिला दिनाविषयी आपले मनोगत व्यक्त केले.
या कार्यक्रमाचे प्रास्ताविक मिनल बोरावके यांनी केले. या कार्यक्रमासाठी संस्थेचे अध्यक्ष भास्करराव होन,सचिव सुनील होन, संचालक सागर होन, प्राचार्या ज्योती खरात, अश्विनी होन, पल्लवी होन, स्वाती होन, सविता होन, श्रद्धा होन, स्नेहल होन, मिनल बोरावके, शितल होन, इ. शिक्षिका तसेच मुक्ता तुवर, प्रीती शिंदे, शिवाजी जाधव, वाल्मीक होन, सादिक सय्यद सोमनाथ पवार आदी सह शिक्षकेत्तर कर्मचारी उपस्थित होते.
