जेऊर कुंभारी वार्ताहर
महाराष्ट्र शासन कृषी विभागाच्या वतीने जिल्हा अधीक्षक कृषी अधिकारी सुधाकर बोराळे, उपविभागीय कृषी अधिकारी विलास गायकवाड, व तालुका कृषी अधिकारी मनोज सोनवणे यांच्या मार्गदर्शनाखाली ११ फेब्रुवारी रोजी
कोकमठाण येथे राष्ट्रीय अन्न सुरक्षा अभियान कडधान्य सुधार प्रकल्प अंतर्गत, हरभरा पिक प्रात्यक्षिक कार्यक्रम घेण्यात आला असून त्यामध्ये शास्त्रज्ञ भेट कार्यक्रम आयोजित केला होता. त्यामध्ये हरभरा लागवड तंत्रज्ञान, काढणी पश्चात प्रक्रिया तंत्रज्ञान तसेच कृषी विभागातील विविध योजना सेंद्रिय शेती प्रमाणीकरण याबाबत मंडळ कृषी अधिकारी अधिकारी सुनील घारकर यांनी सविस्तर मार्गदर्शन केले. तसेच कृषी पर्यवेक्षक संजय घनकुटे यांनी निर्यातक्षम कांदा रजिस्ट्रेशन, ॲग्रीस्टॅक फार्मर रजिस्ट्रेशन, महाडीबीटी अंतर्गत यांत्रिकीकरण शेततळे योजना, पीएफएमई योजना बाबत लागणारी आवश्यक माहिती याबाबत सविस्तर मार्गदर्शन केले.
कोकमठाण चे कृषी अधिकारी निर्मला सोनवणे यांनी महात्मा गांधी रोजगार हमी योजना अंतर्गत फळबाग तसेच शासनाच्या विविध योजना,सेंद्रिय शेती तंत्रज्ञान, शेतीचा ताळेबंद ,नफा तोटा पत्रक याबाबत मार्गदर्शन केले. यावेळी ग्रामपंचायत सदस्य संतोष नाना लोंढे यांच्यासह मोठ्या संख्येने कोकमठाण येथील शेतकरी उपस्थित होते.
