जेऊर कुंभारी वार्ताहर
ज्या शाळेत आपण शिकलो, ज्या शाळेने आपल्याला घडवले त्या प्राथमिक शाळेसाठी काहीतरी करावे या निर्मळ उद्देशाने गिरमे वस्ती शाळेचे माजी विद्यार्थी राहुल निकम यांनी स्वखर्चातून प्रजासत्ताक दिनाचे औचित्य साधून शाळेसाठी संगणक संच भेट दिला.
गेल्या महिन्यात वाढदिवसाचे निमित्त साधून त्यांनी विद्यार्थ्यांना शैक्षणिक साहित्य वाटप केले होते. त्यावेळी शाळेची गरज लक्षात घेऊन त्यांनी शाळेसाठी संगणक भेट देणार असल्याचे आश्वासन दिले व ते पूर्णही केले.
सामान्य कुटुंबातील मुलांने शालेय विद्यार्थ्यांच्या विकासासाठी केलेली ही मदत निश्चितच समाजासाठी एक आदर्श उदाहरण आहे.
शाळेतील शिक्षकांनी व उपस्थित मान्यवरांनी त्यांच्या या कार्याचे कौतुक केले आहे.
राहुल यांच्या मातोश्री मंगलताई निकम यांनी संगणक संच शिक्षकांकडे प्रदान केला त्यावेळी शाळेने आभार पत्र देऊन त्यांचा सन्मान केला.
यावेळी संजीवनी सहकारी साखर कारखान्याचे संचालक बाळासाहेब वक्ते, माजी उपसरपंच जालिंदर चव्हाण, ग्रामपंचायत सदस्य प्रदीप गायकवाड, प्रा.मधुकर वक्ते, प्रदिप वक्ते,शाळा व्यवस्थापन समितीचे अध्यक्ष महेश गुरसळ, राहुल निकम, शिक्षक अनुज ढुमणे, सुदाम साळुंके, मुख्याध्यापिका प्रियंका जोशी,पालक सुवर्णा चव्हाण, द्वारकानाथ देवकर, सुनील गायकवाड, अजहर शेख, साईनाथ वायकर, गणेश आंबिलवादे, सोमनाथ पगारे, सागर गुरसळ,राणा वक्ते,अंगणवाडी सेविका सिंधुताई वक्ते,मदतनीस सुमन होन,शालेय पोषण आहार कर्मचारी सुलोचना वक्ते विद्यार्थी,पालक उपस्थित होते.
