जेऊर कुंभारी वार्ताहर
भारताचा ७६ वा प्रजासत्ताक दिन हॅरिसन ब्रँच शाळेत विविध सांस्कृतिक कार्यक्रम व ध्वजारोहणाने अतिशय उत्साहात साजरा झाला. सकाळी शालेय परिसरात प्रभात फेरी काढून लेझिमच्या ठेक्यावर मिलिटरी ड्रेस मध्ये विद्यार्थ्यांनी भारत माता की जय, वंदे मातरम अशा घोषणा देऊन वातावरण देशभक्तीमय केले. त्यानंतर शाळेच्या मुख्याध्यापिका रंजना डोंगरे यांच्या हस्ते ध्वजारोहण करण्यात आले.प्रास्ताविकात मुख्याध्यापिका यांनी प्रजासत्ताक दिनाचा उद्देश व महत्व विशद केले.कार्यक्रमाचे अध्यक्षस्थानी चांगदेव वक्ते सर यांची निवड करण्यात आली. यावेळी विद्यार्थ्यांनी देशभक्तीपर गीतांवर सुंदर नृत्य सादर केले. तसेच समूहगीत गायन व भाषणे करून विद्यार्थ्यांनी उपस्थितांची मने जिंकली. चांगदेव वक्ते सर यांनी मनोगतातून शाळेतील विद्यार्थ्यांना मार्गदर्शन करताना विद्यार्थ्यांनी सादर केलेले भाषणे व देशभक्तीपर नृत्य सादरीकरणाचे कौतुक केले.
कार्यक्रमप्रसंगी संजीवनी सहकारी साखर कारखान्याचे संचालक सतिष आव्हाड, माजी सभापती शिवाजीराव वक्ते, सेवानिवृत्त शिक्षक चांगदेव वक्ते, माजी उपसरपंच यशवंतराव आव्हाड शावस्थापन समितीचे अध्यक्ष सतिष पवार, रोहित वक्ते,संजय दळवी, संदीप पवार, असिर शेख, जावेद शेख, अंगणवाडी सेविका ताराबाई वक्ते,मदतनीस कमल नळे,शालेय पोषण आहार कर्मचारी रंजना दळवी, माजी विद्यार्थी,पालक व शिक्षक मोठ्या प्रमाणात उपस्थित होते.
शाळेच्या शिक्षक नवनाथ सूर्यवंशी यांनी उपस्थितांचे आभार मानले. विद्यार्थ्यांना खाऊ वाटप करून कार्यक्रमाची सांगता झाली.
