जेऊर कुंभारी वार्ताहर
भारताचा ७६ वा प्रजासत्ताक दिन जि.प. प्राथमिक शाळा जेऊर कुंभारी शाळेत विविध सांस्कृतिक कार्यक्रम व ध्वजारोहनाने अतिषय उत्साहात साजरा झाला. सकाळी शालेय परिसरात व गावात प्रभात फेरी काढून विद्यार्थ्यांनी भारत माता की जय, वंदे मातरम अशा घोषणा देऊन वातावरण देशभक्तीमय केले. त्यानंतर मुख्याध्यापक रमेश गुरसळ यांच्या हस्ते ध्वजारोहण करण्यात आले. कार्यक्रमाचे अध्यक्षस्थानी शालेय व्यवस्थापन समितीचे अध्यक्ष कैलास विष्णु खटाणे यांची निवड करण्यात आली. भारतीय संविधानाचे प्रास्ताविक म्हणून ध्वजाला सलामी दिली. त्यानंतर घर घर संविधान या उपक्रमाची माहिती गावातील नागरीकांना देण्यात आली. त्यांनतर प्रजासत्ताक दिनानिमित्त विद्यार्थ्यांनी विविध भाषणे केली व विदयार्थ्याच्या डंबेल्स कवायतीचे उतकृष्टरित्या सादरीकरण करण्यात आले. त्यानंतर विद्यार्थ्यांनी देशभक्तीपर गीतांवर सुंदर नृत्य सादर केली. तसेच समूहगीत गायन करून विद्यार्थ्यांनी उपस्थितांची मने जिंकली. सदर कार्यक्रम यशस्वी होण्यासाठी शाळेतील उपाध्यापीका श्रीमती. वंदना पर्वत मॅडम यांनी परिश्रम घेतले. तसेच शाळेचे माजी विद्यार्थी रामभाऊ कांदळकर यांनी मनोगत व्यक्त केले. व विद्यार्थ्यांना कार्यक्रमा निमीत्त शुभेच्छा दिल्या. तसेच कैलास विष्णु खटाणे यांनी मनोगत व्यक्त करून विदयार्थीना शुभेच्छा दिल्या. प्रजासत्ताक दिनानिमित्त उत्कृष्ट फलक लेखन तयार केले. सदर कार्यक्रमप्रसंगी गावच्या सरपंच सुवर्णा पवार, उपसरपंच वैशाली भोंगळे, पोलीस पाटील बाळासाहेब गायकवाड,नानासाहेब गुरसळ, विजू लकारे ग्रामपंचायत क्लार्क आनंद बारसे, संगीता वक्ते आदी सह ग्रामस्थ
मोठ्या संखेने उपस्थित होते. तसेच अंगणवाडी सेविका वक्ते मॅडम व दिवे मॅडम उपस्थित होत्या. शालेय पोषन आहार कर्मचारी सौ. राजेंद्र परसैय्या उपस्थित होत्या. विदयार्थी पालक व शिक्षक मोठ्या प्रमाणात उपस्थित होते. शाळेचे मुख्याध्यापक रमेश गुरसळ सर यानी कार्यक्रमाचे सूत्रसंचालन करून उपस्थितांचे आभार मानले. त्यानंतर विद्यार्थ्यांना खाऊ वाटप करून कार्यक्रमाची सांगता करण्यात आली.
