जेऊर कुंभारी वार्ताहर
भारताचा ७६ वा प्रजासत्ताक दिन गिरमेवस्ती शाळेत विविध सांस्कृतिक कार्यक्रम व ध्वजारोहनाने अतिशय उत्साहात साजरा झाला. सकाळी शालेय परिसरात प्रभात फेरी काढून विद्यार्थ्यांनी भारत माता की जय, वंदे मातरम अशा घोषणा देऊन वातावरण देशभक्तीमय केले. त्यानंतर मान्यवरांच्या हस्ते ध्वजारोहण करण्यात आले. कार्यक्रमाचे अध्यक्षस्थानी संजवनी कारखान्याचे संचालक बाळासाहेब वक्ते यांची निवड करण्यात आली. केंद्रस्तरीय विविध गुणदर्शन स्पर्धेत यशस्वी विद्यार्थ्यांना मान्यवरांच्या हस्ते प्रमाणपत्र वितरित करण्यात आले. प्रजासत्ताक दिनानिमित्त घेतलेल्या चित्रकला स्पर्धेत यशस्वी विद्यार्थ्यांना मान्यवरांच्या हस्ते बक्षीस वितरीत करण्यात आले. विद्यार्थ्यांनी देशभक्तीपर गीतांवर सुंदर नृत्य सादर केली. तसेच समूहगीत गायन व भाषणे करून विद्यार्थ्यांनी उपस्थितांची मने जिंकली. बाळासाहेब वक्ते यांनी मनोगतातून गणित विज्ञान प्रदर्शनात शाळेने तालुक्यात मिळवलेल्या प्रथम क्रमांका बद्दल अभिनंदन केले. जालिंदर चव्हाण यांनी मनोगतातून शालेय उपक्रमांचे कौतुक केले.
शाळेचे माजी विद्यार्थी राहुल निकम यांनी मिशन आपुलकी अंतर्गत शाळेची गरज लक्षात घेत शाळेसाठी संगणक संच भेट दिला. पालक सुनील गायकवाड यांनी शाळेच्या चांगल्या कार्याबद्दल तिन्ही शिक्षकांचा सत्कार केला. शिक्षक सुदाम साळुंके यांनी प्रास्ताविक मांडून शाळेचे विविध उपक्रम,यशस्विता याबद्दल मनोगत व्यक्त केले. कार्यक्रमाचे सूत्रसंचालन व आकर्षक फलकलेखन शिक्षक अनुज ढुमणे यांनी केले. कार्यक्रमप्रसंगी संजीवनी सहकारी साखर कारखान्याचे संचालक बाळासाहेब वक्ते, माजी उपसरपंच जालिंदर चव्हाण, ग्रामपंचायत सदस्य प्रदीप गायकवाड, प्रा.मधुकर वक्ते, प्रदिप वक्ते,शाळा व्यवस्थापन समितीचे अध्यक्ष महेश गुरसळ, राहुल निकम,सुवर्णा चव्हाण, द्वारकानाथ देवकर, सुनील गायकवाड, अजहर शेख, साईनाथ वायकर, गणेश आंबिलवादे, सोमनाथ पगारे, सागर गुरसळ,राणा वक्ते,अंगणवाडी सेविका सिंधुताई वक्ते,मदतनीस सुमन होन,शालेय पोषण आहार कर्मचारी सुलोचना वक्ते विद्यार्थी पालक व शिक्षक मोठ्या प्रमाणात उपस्थित होते.
शाळेच्या मुख्याध्यापिका प्रियंका जोशी यांनी उपस्थितांचे आभार मानले. विद्यार्थ्यांना खाऊ वाटप करून कार्यक्रमाची सांगता झाली.
