जेऊर कुंभारीत हिवाळी विशेष श्रमसंस्कार शिबीराचा समारोप!!
जेऊर कुंभारी वार्ताहर
संजीवनी कला वाणिज्य विज्ञान महाविद्याल व राष्ट्रीय सेवा योजना आयोजित हिवाळी विशेष श्रमदान शिबिरात विद्यार्थानी राबवलेले उपक्रम उल्लेखनीय असुन या द्वारे मिळालेले स्वच्छतेचे धडे व त्यांनी सादर केलेले पथनाट्य,व्यसन मुक्ती, तसेच अंधश्रद्धा निर्मूलन बालविवाह,अशा अनिष्ट रूढी व परंपरा या विषयी जनजागृती करणारे असुन या पासून ग्रामस्थांनी बोध घ्यावा असे प्रतिपादन माजी सभापती शिवाजी वक्ते
यांनी केले आहे.
दि. १० जानेवारी ते १६ जानेवारी या कालावधीत जेऊर कुंभारी गावात
सुरू असलेल्या श्रम संस्कार शिबिराच्या समारोप समारंभा ते बोलत होते कार्यक्रमाच्या अध्यक्षस्थानी पंचायत समिती माजी सभापती शिवाजी वक्ते होते. कार्यक्रमाचे प्रस्ताविक एनएसएस प्रोगम अधिकारी प्राध्यापिका रुपाली मुंजे यांनी केले.
सात दिवस चाललेल्या या शिबीरात संजीवनी कला वाणिज्य महाविद्यालयाच्या १०० विद्यार्थांनी ,स्मशानभूमी,शालेय परिसर,मंदिर परिसर, गावातील रस्ते तसेच ग्रामपंचायत परिसरात स्वच्छता अभियान राबवले तसेच त्यांनी सादर केलेल्या पथनाट्यच्या माध्यामातुन मतदार जनजागृती, महिला विकास, पर्यावरण संवर्धन,आपत्ती पुर्व नियोज, महिला आरोग्य, अंधश्रद्धा निर्मूलन,व्यसन मुक्ती या विषयावर ग्रामस्थांमध्ये जनजागृती करणारे उपक्रम राबवले आहे अतिशय नियोजन पद्धतीने राबवीलेल्या या उपक्रमात विद्यार्थींचा उत्साह वाखाण्याजोगा होता.
संजीवनी विद्यालयाचे प्राचार्य डॉ एस बी दहीकर, मायक्रोबायोलॉजी विभागाच्या प्रमुख डॉ एस ए भुतडा एनएसएस प्रोग्राम ऑफिसर प्राध्यापिका रूपाली राजेंद्र मुंजे, प्राध्यापक मुकुल मच्छिंद्र बरवंट, प्राध्यापक योगेश शंकर उगले आणि उपस्थित प्राध्यापिका धनश्री दीपक विखे प्राध्यापिका रचना नगरकर यांनी हे शिबिर यशस्वी करण्यात मोलाचा वाटा असुन विद्यार्थ्यांनी राबवविलेल्या उपक्रमांचे जेऊर कुंभारी ग्रामस्थांनी विशेष कौतुक करून आभार मानले आहे.
या कार्यक्रम प्रसंगी पंचायत समिती माजी सभापती शिवाजीराव वक्ते, माजी उपसरपंच जालिंदर चव्हाण,संजय शांतीलाल वक्ते,
ग्रामपंचायत क्लार्क आनंद बारसे, संगीत वक्ते आदी सह ग्रामस्थ मोठ्या संख्येने उपस्थित.
सुत्रसंचालन प्राध्यापिक रचना नगरकर यांनी केले.यांनी केले व आभार राष्ट्रीय सेवा योजनेची विद्यार्थीनी पूर्व वैद्य यांनी केले.
