जेऊर कुंभारी वार्ताहर
कोपरगाव तालुक्यातील चांदेकसारे येथील जोगेश्वरी इंटरनॅशनल स्कुलमध्ये राजमाता जिजाऊ आणि स्वामी विवेकानंद जयंती साजरी करण्यात आली. कार्यक्रमाचे प्रास्ताविक श्रद्धा होन यांनी केले.
राजमाता जिजाऊ यांनी मराठ्यांचे राज्य यावे यासाठी त्यांनी स्वराज्याची मुहुर्तमेढ रोवली. छत्रपती शिवाजी महाराजांना तलवारबाजी आणि घोडस्वारीचे प्रशिक्षण कसे दिले तसेच जनतेचे रक्षण करणे आणि राजद्रोहिंना शिक्षा देणे याचे धडे देऊन त्यांनी रयतेचा उत्तम् राजा कसा घडवला यावर मुलांना मार्गदर्शन करण्यात आले.
तसेच स्वामी विवेकानंद यांनी पाश्चात्य आणि भारतीय संस्कृती च्या विचारसरणी मधील दुवा साधण्याची क्षमता मिळवली ज्यामुळे ते आंतरधर्मीय सखोला आणि समज यांचे प्रवक्ते बनले. तसेच त्यांचा जन्मदिवस भारतात राष्ट्रीय युवा दिन म्हणून साजरा केला जातो.
या कार्यक्रमासाठी संस्थेचे अध्यक्ष भास्कर होन,सचिव सुनिल होन, संचालक सागर होन, प्राचार्या ज्योती खरात, पल्लवी होन ,स्वाती वक्ते, सविता होन, स्नेहल होन ,मिनल बोरावके, शितल होन तसेच मुक्ता तुवर, प्रिती शिंदे, वाल्मिक होन, शिवाजी जाधव, सादीक सय्यद ,सोमनाथ पवार आदि शिक्षक व शिक्षकेत्तर कर्मचारी उपस्थित होते.
