जेऊर कुंभारी वार्ताहर
कोपरगाव तालुका ५२ वे गणित विज्ञान आणि पर्यावरण प्रदर्शन नुकतेच उत्साहात पार पडले.यात जिल्हा परिषद प्राथमिक शाळा गिरमेवस्ती शाळेच्या विद्यार्थिनी श्रावणी सुमित चव्हाण, त्रिशा संतोष मोहन, शुभांगी वसंत गायकवाड यांनी इयत्ता पहिली ते पाचवीच्या गणित गटात प्रथम क्रमांक पटकावला. या विद्यार्थिनींचा सन्मानचिन्ह व प्रमाणपत्र देऊन मान्यवरांच्या हस्ते गौरव करण्यात आला. त्यांनी निपुण भारत गणित विषया अंतर्गत गणिताशी मैत्री, तंत्रज्ञानाचा वापर करून गणित शिकणे असे आकर्षक मॉडेल तयार केले होते. यासाठी वर्गशिक्षक
श्री.सुदाम साळुंके सर यांचे मार्गदर्शन व उपाध्यापक अनुज ढुमणे सर,मुख्याध्यापिका श्रीम प्रियंका जोशी यांचे सहकार्य लाभले.
शाळा व्यवस्थापन समितीचे अध्यक्ष
सदस्य,पालक, गटशिक्षणाधिकारी शबाना शेख तसेच केंद्रप्रमुख रावसाहेब लांडे, संजय वक्ते , शशिकांत वक्ते
आदींनी कौतुक केले आहे.
