कोपरगाव प्रतिनिधी
व्यवसायिकांची मुलाखत हा एक नाविन्यपूर्ण उपक्रम नगरपालिका शाळा क्र.६ येथील शिक्षिका सुनिता इंगळे यांनी इयत्ता पाचवीच्या वर्गासाठी सुरु केला आहे.विद्यार्थ्यांना विविध व्यावसायिकांची माहिती व्हावी,आपल्या कोपरगाव शहरात कोणते व्यवसाय चालतात ? देशाचा अभ्यास करताना सर्वप्रथम आपले गाव विद्यार्थ्यांना माहिती हवे हा दृष्टिकोन समोर ठेऊन त्यांनी हा उपक्रम सुरु केला आहे.आज कोपरगाव शहरातील भगवती ब्युटी पार्लरला विद्यार्थ्यांसह भेट देण्यात आली.यावेळी भगवती ब्युटी पार्लरच्या मालक योगिता जाधव यांनी विद्यार्थ्यांना प्रत्यक्ष ब्युटी पार्लर दाखवले. विद्यार्थ्यांनी विचारलेल्या प्रश्नांची अगदी समर्पक व सविस्तर उत्तरे दिली. नगरपालिका शाळा क्रमांक सहा ही फक्त मुलांची शाळा आहे. तरी देखील त्यांना आज प्रत्यक्ष लेडीज ब्युटी पार्लर मध्ये नेऊन तेथील काम कसे चालते हे दाखवण्यात आले.यावेळी विद्यार्थ्यांनी कुतुहलपूर्ण प्रश्न विचारले.त्यात तुमचे नाव काय ?तुम्ही हा व्यवसाय किती वर्षापासून करता? तुम्हाला हे काम करण्यात आनंद मिळतो का? तुम्ही पार्लरचे साहित्य कुठून विकत घेता? तुम्हाला मिळालेली एवढी बक्षीसे ही कशाची मिळालेली आहेत? तुमच्या पार्लरमध्ये मुलांसाठी मेकअपचे काही साहित्य आहे का? तुम्ही एकटेच काम करतात का ? पार्लरमध्ये जमा झालेल्या कचऱ्याचे तुम्ही काय करता ? प्रत्येक गोष्ट कोठे ठेवली आहे हे तुम्हाला लक्षात राहते का?असे कुतूहलपूर्ण प्रश्न विचारले. यावेळी योगिता जाधव यांनी मुलांना समजेल अशा भाषेत समर्पक उत्तरे दिली.
पुढील भविष्याच्या दृष्टीनेही मुलांना व्यावसायिकाची माहिती असणे खूप गरजेचे आहे तसेच उज्वल भविष्यासाठी कोणतेही कष्ट करण्याची तयारी मुलांनी ठेवायला हवी. त्यासाठी प्रथम अभ्यास करणे खूप महत्त्वाचे आहे असेही त्या म्हणाल्या.व्यावसायिकांची मुलाखत यात अमन शेख,अजिम शेख,शुभम कांबळे, पवन कुंढारे ,आहिल परमार,यांनी प्रश्न विचारले.यश वाकचौरे,आरव तुपसुंदर,युवराज माळी, लोकेश शेलार,अर्णव मोहिते, यश वाघरी, ईशान पगारे,साई गायकवाड, आर्यन डुकरे, आयुष पुडे दुसरी ते पाचवी चे विद्यार्थ्यांनी यात सहभाग घेऊन योगिता जाधव यांची मुलाखत घेतली. या उपक्रमासाठी इयत्ता दुसरी व तिसरीच्या वर्गशिक्षिका सौ. अनुराधा सोमासे मॅडम यांची ही मोलाची साथ लाभली.योगिता जाधव यांनी अतिशय संघर्षमय परिस्थितीतून आज यशस्वी वाटचाल केली असून भगवती ब्युटी पार्लर हे कोपरगाव मध्ये उत्तम सेवा देणारे लेडीज पार्लर म्हणून ओळखले जाते.सुनिता इंगळे यांच्या व्यावसायिकांची मुलाखत या उपक्रमासाठी शाळेचे प्रभारी मुख्याध्यापक माणिक कदम यांचे मार्गदर्शन लाभले.या उपक्रमाचे शाळेच्या मुख्याध्यापिका सविता साळुंके,शाळा व्यवस्थापन समिती अध्यक्षा अर्चना वाहुळकर यांनी कौतुक केले आहे.
