जेऊर कुंभारी गावात चैताली काळे यांची प्रचार रॅलीस जोरदार प्रतिसाद!!
कोपरगाव प्रतिनिधी
आ.आशुतोष काळे यांनी ग्रामीण भागाच्या विकासाठी सर्वात जास्त निधी दिला आहे. ग्रामीण भागातील नागरीक आ. आशुतोष काळे यांच्या पाठीशी खंबीरपणे उभे राहणार असल्याचे समाजीक कार्यकर्ते कल्याणराव गुरसळ यांनी प्रतिपादन केले.
कोपरगाव विधानसभा मतदारसंघाचे महायुती राष्ट्रवादी काँग्रेस पार्टीचे (अजित पवार गटाचे) अधिकृत उमेदवार आशुतोष अशोकराव काळे यांच्या प्रचार मोहिमेचा शुभारंभ अहमदनगर जिल्हा बँकेच्या माजी संचालिका सौ.चैतालीताई काळे यांच्या शुभहस्ते जेऊर कुंभारी येथील हनुमान मंदिरात श्रीफळ वाढवून करण्यात आला. याप्रसंगी कल्याणराव गुरसळ बोलत होते.
गुरसळ पुढे बोलतांना म्हणाले की, आ.आशुतोष काळे यांनी पाच वर्षात ग्रामीण भागातील रस्ते दर्जेदार करून ग्रामीण भागाचा कायापालट केला आहे. जेऊर कुंभारी परिसरातील जेऊरफाटा ते आंबेडकर पुतळा हा रस्ता प्रमुख गांव रस्ता असूनही या रस्त्याची अतिशय बिकट अवस्था झाली होती. मात्र आ.काळे यांनी या रस्त्यास तातडीने २० लाख रुपये निधी देऊन तो पूर्ण केला. भानुदास वक्ते वस्ती ते बोरावके वस्ती हरिसन ब्रँच लगत असणाऱ्या रस्त्याचे डांबरीकरण करावे अशी नागरीकांची जुनी मागणी होती. या रस्त्यासाठीही आमदार महोदयांनी सुमारे ४७ लाख रूपये देऊन हे काम पूर्णत्वास नेले. जेऊर कुंभारी गावात सुमारे नऊ कोटी रुपये निधी देऊन भव्य गावतळे निर्माण करण्यात आले आहे. त्यामुळे गावातील पिण्याच्या पाण्याचा प्रश्न कायमस्वरूपी निकाली निघाला असून महिलांची पाण्यासाठी भटकंती थांबली आहे. तलाठी व ग्रामपंचायत कार्यालयास भरघोस निधी देवून त्यांचे काम प्रगतीपथावर आहे. आ.आशुतोष काळे यांनी ग्रामीण भागाचा विकास केल्यामुळे ग्रामीण भागातील नागरीक आ.आशुतोष काळेंच्या पाठीशी उभे राहणार आहे. त्यामुळेच आ.आशुतोष काळे पुन्हा सर्वात जास्त मतांनी निवडून येतील असा विश्वास व्यक्त केला.
याप्रसंगी जेऊर कुंभारी गावात सौ.चैताली काळे यांची प्रचार रॅली काढण्यात आली त्या रॅलीस नागरिकांचा उत्स्फुर्त व जोरदार प्रतिसाद मिळाला. या प्रसंगी गोदावरी खोरे क्रेन ट्रान्सपोर्टचे संचालक दिलीपराव शिंदे, गौतम बँकेचे संचालक बापुराव वक्ते ,गौतम बँकेचे माजी व्हा.चेअरमन धोंडीराम वक्ते, राष्ट्रवादी कोपरगाव तालुका सल्लागार पाटीलबा वक्ते, सोशल मिडियम कोपरगाव तालुका अध्यक्ष महेंद्र वक्ते
भानुदास वक्ते, किरण पाटीलबा वक्ते, राजेंद्र गिरमे
विरेंद्र शिंदे ,शिवसुत्र युवा प्रतिष्ठानचे माजी अध्यक्ष विशाल गुरसळ, गंगाराम सळके ,बंटी गिरमे ,हनुमंत मेहेत्रे ,सागर गुरसळ, राजेंद्र पगारे, संजय चव्हाण, गोरक चव्हाण ,पोपट शिंदे , दिलीप कातकडे ,जेऊर कुंभारी ग्रामपंचायत सदस्य धनश्री वक्ते,अनिता गायकवाड,अलका वक्ते मंदा चव्हाण ,मोणिका पुंगळ, प्रगती होन
आदींसह महिला, कार्यकर्ते मोठ्या संख्येने उपस्थित होते.
