Saturday, November 21, 2026
Google search engine
HomeUncategorizedकोपरगाव नगरपरिषदेसाठी ८८ लाखांचा विशेष निधी मंजूर!!-नगराध्यक्ष पराग संधान

कोपरगाव नगरपरिषदेसाठी ८८ लाखांचा विशेष निधी मंजूर!!-नगराध्यक्ष पराग संधान

कोपरगाव प्रतिनिधी

कोपरगाव शहराच्या नागरी सुविधांमध्ये भर घालण्यासाठी आणि नागरिकांना अधिक चांगल्या सुविधा उपलब्ध करून देण्यासाठी वैशिष्ट्यपूर्ण कामांसाठी विशेष अनुदान योजनेंतर्गत कोपरगाव नगरपरिषदेसाठी ७८ लाख व रस्ता विकासासाठी १० लाख असा ८८ लाख रुपयांचा निधी मंजूर झाला आहे. आमदार विवेकभैय्या कोल्हे यांच्या प्रयत्नातून तसेच नगराध्यक्ष पराग संधान यांनी सुचविलेल्या विविध विकासकामांसाठी हा निधी उपलब्ध झाला असून, यामुळे शहरातील सामाजिक व सार्वजनिक सुविधांना बळकटी मिळणार आहे.या निधीतून शहरातील विविध ठिकाणी ज्येष्ठ नागरिकांसाठी विरंगुळा केंद्रे उभारण्याबरोबरच सार्वजनिक सभा मंडपांची कामे केली जाणार आहेत. मंजूर कामांचा तपशील पुढीलप्रमाणे :
विरंगुळा केंद्र उभारणीची कामे : अंबिका नगर साईधाम येथे नगरपरिषदेचे विरंगुळा केंद्र – १२ लाख रुपये.हनुमान नगर, माऊली आनंदालयाजवळ, इंगळे नगर येथे नगरपरिषदेचे विरंगुळा केंद्र १२ लाख रुपये. साई सिटी, रचना नक्षत्रसमोर, येवला रोड येथे विरंगुळा केंद्र (१२ लाख रुपये.)सह्याद्री कॉलनी येथे नगरपरिषदेचे विरंगुळा केंद्र(१२ लाख रुपये.)
सभा मंडप उभारणीची कामे :गणपती मंदिर येथे नगरपरिषदेचा सभा मंडप बांधणे(१० लाख रुपये.)न्याती मंदिर येथे नगरपरिषदेचा सभा मंडप बांधणे (१० लाख रुपये.)मेसाई मंदिर बाजारतळ येथे सभा मंडप (१० लाख रुपये.) यासह राज्याने नागरी स्थानिक स्वराज्य संस्थांना द्यावयाच्या मोटार वाहन कराच्या अभी हस्तांगित रकमा रस्ता अनुदान अंतर्गत कोपरगाव नगरपरिषद क्षेत्रातील जुने कब्रस्तान ते लाहोते महाराज मंदिराकडे जाणारा रस्ता विकसित करण्याकरता १० लाख रुपये.अशा एकूण आठ विकासकामांसाठी ८८ लाख रुपयांचा निधी मंजूर झाला आहे. या निधीमुळे ज्येष्ठ नागरिकांना विरंगुळ्यासाठी हक्काची जागा उपलब्ध होणार असून, विविध सामाजिक, सांस्कृतिक व सार्वजनिक कार्यक्रमांसाठी सभा मंडपांची सुविधा निर्माण होणार आहे.शहराच्या सर्वांगीण विकासासाठी शासनाकडून मिळालेल्या या सहकार्याबद्दल नगराध्यक्ष पराग संधान यांनी मुख्यमंत्री देवेंद्र फडणवीस, राज्य सरकार तसेच आमदार विवेकभैय्या कोल्हे यांचे विशेष आभार मानले आहेत. कोपरगाव शहराच्या विकासासाठी सातत्याने पाठपुरावा करून निधी उपलब्ध करून देण्यासाठी आमदार विवेकभैय्या कोल्हे यांनी केलेले प्रयत्न महत्त्वपूर्ण असल्याचे त्यांनी सांगितले.
शहरातील प्रत्येक भागात मूलभूत सुविधा आणि नागरिकांच्या गरजांना प्राधान्य देत विकासकामे मार्गी लावण्याचा नगरपरिषदेचा प्रयत्न असून, आगामी काळातही कोपरगावच्या विकासासाठी शासनाच्या विविध योजनांचा प्रभावीपणे लाभ घेण्यात येईल, असा विश्वास नगराध्यक्ष पराग संधान यांनी व्यक्त केला.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

error: Content is protected !!