कोपरगाव प्रतिनिधी
भुतलावरील मनुष्याच्या जीवनांत नेहमी संकटे, आपत्ती, दुःख यांचा सदैव सामना करावा लागतो मात्र या जगातील प्रत्येकाच्या उध्दारासाठी आर्ट ऑफ लिव्हींगचे श्री.श्री. रविशंकर यांनी समाज स्वास्थ सुरळीत रहावे यासाठी ध्यान आणि योग क्रियेच्या अनेक उपाययोजना सांगितल्या त्याचेच आचरण कोपरगावच्या थोरात कुटुंबीयांनी करत तेराव्याच्या विधीचे स्मरण म्हणून रक्तदानासारख्या उपक्रमाला प्राधान्य देत त्याचे प्रत्यक्ष आचरण केले आहे.
तालुक्यातील श्रीक्षेत्र कोकमठाण येथील सामाजिक कार्यकर्ते व प्रगतशील शेतकरी संजय रावसाहेब थोरात यांचे अलिकडेच अल्पशा आजाराने देहावसन झाले.
कै. संजय थोरात हे भारतीय जनता पक्ष, अहिल्यानगरचे उपाध्यक्ष, व कोकमठाण येथील ब्रह्मलीन संत रामदासी बाबा भक्त मंडळाचे प्रमुख शरद थोरात यांचे धाकटे बंधू होत. कै. संजय थोरात यांनी कोपरगांव शहरासह व तालुक्यातील जनतेला आर्ट ऑफ लिविंगचे श्री श्री रविशंकर यांचे विचार रुजविण्यांसाठी मोठे कष्ट घेतले., पर्यावरण संतुलनासाठी श्री श्री रविशंकर फाउंडेशनच्या वतीने राबवण्यात आलेले सर्व संकल्प कोपरगाव तालुक्यात करण्यात त्यांचा सिंहाचा वाटा होता, मात्र नियतीने त्यांच्यावर अचानक घाला घातला. त्यांची एक कन्या डॉ. स्नेहांजली हिने बेंगलोर येथील श्री. श्री रविशंकर यांच्या शैक्षणिक संकुलात वैद्यकिय शिक्षण पूर्ण केले, त्यानंतर त्या नाशिक येथे सध्या एम.डी. पदाचे उच्च शिक्षण घेत आहे. वडीलांचे निधन झाले पण समाजासाठी आपणही काही देणं लागतो या विचाराने प्रेरित होत डॉ. स्नेहांजली हिने त्यांच्या पावलावर पाऊल ठेवत डॉ. स्नेहांजली, श्रीमती गायत्री, दुसरी कन्या प्रांजली व मुलगा समरजित यांनी वडील कै. संजय यांच्या तेराव्या विधीनिमीत्त संजीवनी ब्लड बँकेच्या डॉ. नीता पाटील यांच्या सहकार्याने जानकी विश्व कोपरगाव निवासस्थानी रक्तदान शिबीर भरवत उपस्थीत नातेवाईकांना त्यात सहभागी करून घेत एक आगळा वेगळा सामाजिक संदेश देत वेगळा पायंडा पाडला आहे याबद्दल थोरात कुटुंबीयांचे सर्वत्र कौतूक होत आहे. रक्तदान व त्याचे फायदे याबाबत डॉ. नीता पाटील यांनी सविस्तर मार्गदर्शन केले.
