जेऊर कुंभारी वार्ताहर
जोगेश्वरी इंटरनॅशनल स्कूल मध्ये नवरात्री उत्सव व नवदुर्गा पूजन उत्सव साजरे करण्यात आले. कार्यक्रमाचे नियोजन प्रिन्सिपल मॅडम च्याद्वारे केले गेले. यावेळी सविता होन यांनी कार्यक्रमाचे सूत्रसंचालन केले. यावेळी संस्थेचे अध्यक्ष भास्करराव होन हे कार्यक्रमाचे अध्यक्ष होते तर संस्थेचे सचिव सुनील होन व संचालक सागर होन कार्यक्रमाचे प्रमुख पाहुणे म्हणून उपस्थित होते. यावेळी नवरात्रीच्या नऊ देवींच्या रूपात विद्यार्थिनींचे कन्या पूजन व नवदुर्गा पूजन करण्यात आले. माता शैला पुत्री च्या वेशभूषेत कार्तिकी अनारसे तर माता ब्रह्मचारिणी देवीच्या वेशभूषेत वेदा दहे उपस्थित होती. तर मा चंद्र घंटा देवीच्या वेशभूषेत आराध्या पवार तर कुशमंडा देवीच्या वेशभूषेत आरोही पवार उपस्थित होती. तर माता स्कंद मातेच्या वेशभूषेत श्रेया जगताप व माता कात्यायनी देवीच्या वेशभूषेत ध्रुवी गुरसळ उपस्थित होती तर माता काल रात्रीच्या वेशभूषेत आरोही बलराज पवार ही विद्यार्थिनी उपस्थित होती तर माता महा गौरीच्या वेशभूषेत गार्गी खरात व माता सिद्धी रात्री देवीच्या वेशभूषेत पल्लवी बोरावके ही विद्यार्थिनी उपस्थित होती यावेळी संस्थेचे संचालक सागर होन व पल्लवी होन यांच्या हस्ते आरती व पूजा करण्यात आली. तसेच प्राचार्या ज्योती खरात यांनी नवरात्री बद्दल माहिती सांगून पूजन केले. यावेळी स्वाती वक्ते ,सविता होन , श्रद्धा पवार, शोभा चंदनशिव ,स्नेहल होन यांनी नवदुर्ग चे पूजन केले. तसेच मुक्ता तुवर व प्रिती शिंदे यांनी हा कार्यक्रम पूर्ण होण्यासाठी मोलाचे सहकार्य केले.
