शालेय समित्या मध्ये पत्रकाराना सदस्य करत सीसीटीव्ही कार्यान्वित करण्याची मागणी!!
कोपरगाव प्रतिनिधी
सर्व शालेय महाविद्यालयातील विद्यार्थीनीच्या सुरक्षेच्या दृष्टीने महाराष्ट्र राज्य पत्रकार संघटनेच्या वरिष्ठ पदाधिकाऱ्याचा मार्गदर्शनाखाली कोपरगाव तालुका अध्यक्ष जनार्दन जगताप व शहराध्यक्ष हाफिज शेख यांच्या नेतृत्वाखाली कोपरगाव तालुका पंचायत समितीचे गटशिक्षणाधिकारी व नगरपालिका शिक्षण मंडळाचे प्रशासन अधिकारी यांच्या सोबत विद्यार्थी विद्यार्थीनीच्या सुरक्षा उपाययोजना संबधी चर्चा करत विविध मागण्याचे निवेदन दिले.
दिलेल्या निवेदनात म्हटले आहे की, गेल्या काही दिवसापासून राज्यातील शाळां महाविद्यालयात होत असलेल्या अत्याचाराच्या घटना लक्षात घेता आपल्या तालुक्यात ही खाजगी व शासकीय संस्थांमध्ये आवश्यक तिथे सीसीटीव्ही लावत ते कार्यान्वित करावे
,दर महिन्याला शिक्षक पालक, सावित्रीबाई फुले कमिटी किंवा इतर महत्वाचा कमिटीच्या बैठक घेणे, शाळेतील तक्रारपेटी उघडताना संबंधित पालक संघाच्या सर्व सदस्या समोर उघडणे तसेच महत्वाच्या सर्वच शालेय महाविद्यालयीन कमिटीवर कार्यक्षेत्रातील सर्व भागातून पालकांची व प्रतिष्ठित नागरिकांची निवड करावी त्यासोबतच लोकशाहीचा चौथा स्तंभ असलेल्या पत्रकाराला देखील त्या कमिट्या मध्ये स्थान द्यावे जेणेकरून पालकांच्या व विद्यार्थ्यांचा तक्रारीला वेळीच वाचा फुटून त्यातून मार्ग निघू शकेल या मागणीचे पत्रकारांच्या वतीने निवेदन देत शालेय महाविद्यालयीन विद्यार्थी विद्यार्थीनीच्या सुरक्षेसाठी सविस्तर चर्चा केली. राज्य पत्रकार संघटनेच्या वतीने दिलेल्या निवेदनाची प्रत पंचायत समितीचे कक्ष अधिकारी चिमाजी गोर्डे यांनी तर नगरपालिका शिक्षण मंडळाच्या वतीने प्रशासनाचे अमित पराईत व शिंदे यांनी स्वीकारली. या प्रसंगीं तालुकाध्यक्ष जनार्दन जगताप, शहराध्यक्ष हाफिज शेख, कार्याध्यक्ष बिपिन गायकवाड,उपाध्यक्ष स्वप्नील कोपरे, मार्गदर्शक फकीरराव टेके,काकासाहेब खर्डे, अनिल दीक्षित, किसन पवार, विनोद जवरे, राजेंद्र तासकर, मधुकर वक्ते, सोमनाथ डफाळ, निवृत्ती शिंदे, अमोल गायकवाड, विजय कापसे आदी पत्रकार संघटनेचे तालुका शहर पदाधिकारी सदस्य उपस्थित होते.
