जेऊर कुंभारी वार्ताहर
मेहनत, जिद्द, चिकाटी व प्रयत्न यांच्या जोरावर सर्वसामान्य मनुष्यही गगन भरारी घेऊ शकतो हे चांगदेव काका कातकाडे यांनी प्रत्यक्षरित्या सिद्ध करून दाखविले आहे.
खूप काही घडवण्यासाठी संघर्ष, बरोबरच त्यागही महत्त्वाचा असतो. ही कठीण वाट असते, परंतु आयुष्य पुढे न्यायचं असेल तर प्रयत्न करणं अपरिहार्य बाब आहे. प्रामाणिक कष्ट व प्रयत्नाची जोड यांची सांगड घालून आमचे मार्गदर्शक आदरणीय चांगदेव नारायण कातकडे ( काका ) यांना मिळालेला राष्ट्रीय आरोग्य सामाजिक सेवा समाज रत्न पुरस्कार जाहीर झालेला आहे हा नक्कीच अभिमानस्पद बाब आहे असे प्रतिपादन महारुद्रा फाउंडेशनचे शशिकांत वक्ते यांनी केले आहे.
पुढे ते म्हणाले की, काकांना राष्ट्रीय आरोग्य सामाजिक सेवा समाज रत्न पुरस्कार जाहीर झालेला आहे. आज दि. ३१ ऑगस्ट २०२४ या दिवशी नाशिक येथे सन्मान समारोह पार पडला. मिळालेला हा सन्मान महत्त्वाचा तर आहेच परंतु त्यांचे सामाजिक कार्य हे शब्दात न सांगता येण्याजोगे आहेत. काकांनी लावलेलं राष्ट्रसंत जनार्दन स्वामी फाउंडेशन नावाचं रोपट हे अनेक गोरगरिबांना आरोग्यसेवा, जनसेवा तसेच ज्ञानदानाचे महत्त्वाचे कार्य करत आहेत त्यामुळे काकांना मिळालेल्या पुरस्काराबद्दल त्यांचे महारुद्रा फाउंडेशनच्या वतीने अभिनंदन व भावी वाटचालीसाठी त्यांना शुभेच्छा.
