जेऊर कुंभारी वार्ताहर
कोपरगाव तालुक्यातील जेऊर कुंभारी गावातील संजयनगर या ठिकाणी नव्याने बांधण्यात आलेल्या विघ्नहर्ता गणपती मंदिराचा सहावा वर्धापन दिन १९ ऑक्टोबर रोजी विघ्नहर्ता ग्रुपच्या वतीने मोठया उत्साहात साजरा करण्यात आला.
जेऊर कुंभारी हे गाव धार्मिक दृष्टीनेमहत्त्वाचे आहे पुरातन काळापासूनचे राजवाडे आहेत वेगवेगळ्या देवदेवतांचे पुरातन मंदिरे ही इतिहासातील धार्मिकतेची साक्ष देतात पंरतु गावात गणपतीचे मंदिर नव्हते तेव्हा ग्रामस्थांनी सहा वर्षापुर्वी लोकवर्गणीतून श्रीगणेशाचे मंदिर बांधले ग्रामस्थ मोठ्या भक्तीभावाने सकाळ संध्याकाळ पुजाआर्चा करतात गणेशचतुर्थी च्या दिवशी शेकडो भाविक दर्शन घेत असतात.
सहाव्या वर्धापन दिनानिमित्त सकाळी ८ वा नित्याची गणेश पूजा करण्यात आली.सायकांळी ६ वा सत्यनारायण ,रात्री ८ वा महाप्रसाद व विविध धार्मिक कार्यक्रमाचे विघ्नहर्ता ग्रुपच्या वतीने आयोजन करण्यात आले होते.या कार्यक्रमास माजी संचालक मधुकर वक्ते,रेनबो इंटरनॅशनल स्कूलचे संचालक आकाश नागरे,संचालक बाळासाहेब वक्ते,संचालक सतिष आव्हाड,आदी सह भाविक भक्त तसेच विघ्नहर्ता ग्रुपचे सर्व कार्यकर्ते अपस्थित होते.
