चांदेकसारे ग्रामपंचायत मध्ये पुण्यश्लोक अहिल्यादेवी होळकर यांची जयंती साजरी !!
जेऊर कुंभारी वार्ताहर
कोपरगाव तालुक्यातील चांदेकसारे ग्रामपंचायत मध्ये गुरुवार दि.३१ मे रोजी पुण्यश्लोक अहिल्यादेवी होळकर यांची जयंती उत्साहात संपन्न झाली.
या जयंती निमित्ताने राज्यात दरवर्षी महिला व बालविकास विभाग महाराष्ट्र शासन यांच्या वतीने सामाजिक क्षेत्रात विशेष योगदान देणाऱ्या महीलांना ग्रामपंचायत स्तरावर पुण्यश्लोक अहिल्यादेवी होळकर पुरस्कार जाहीर करण्यात येत असल्याची घोषणा मुख्यमंत्री एकनाथ शिंदे व उपमुख्यमंत्री देवेंद्र फडणविस यांनी केली असून त्या अनुषंगाने
चांदेकसारे ग्रामपंचायतीच्या वतीने जिजाई बहुउद्देशीय शैक्षणिक संस्थेच्या उपाध्यक्षा अलका भास्करराव होन तसेच सुमनताई रामकिसन रोकडे यांना सन २०२३-२४ या वर्षाचा पुण्यश्लोक अहिल्याबाई होळकर पुरस्कार देऊन गौरविण्यात आले. कार्यक्रमात प्रथम सरपंच किरण होन,जोगेश्वरी इंटरनॅशनल स्कूलचे संचालक सुनील होन,सचिव सागर होन तसेच उपस्थित मान्यवरांच्या हस्ते पुण्यश्लोक अहिल्यादेवी होळकर यांच्या प्रतिमेचे पूजन पार पडले.
कोरोना काळात अलका भास्कर होन यांनी जिजाई बहूउददेशिय शैक्षणिक संस्थेच्या माध्यमातून अंगणवाडी सेविका तसेच ग्रामपंचायत कर्मचारी यांना मोफत पीपीई किटचे वाटप तसेच जनजागृतीचे काम केले आहे, जोगेश्वरी इंटरनॅशल स्कुलच्या माध्यमातुन सामाजिक बांधीलकी जपत अनेक उपक्रमही राबविले आहे.तसेच शोभाताई रामकिसन रोकडे यांनी ही चांदेकसारे गावात समाजीक काम केले आहे.
यावेळी सरपंच किरण होन यांनी मनोगत व्यक्त करताना सांगितले की
राजमाता अहिल्यादेवी होळकर जयंती निमित्त केवळ अभिवादन करून नव्हे तर त्यांचे कार्य आणि त्यांचा त्याग समजून घेऊन संघटित होऊन समाजाच्या उत्थानासाठी प्रयत्न करावा असे त्यांनी यावेळी सांगितले
या प्रसंगी मनोज होन,विश्वनाथ सोळसे,मलुजी होन,सदाशिव बोरावके, न्ननवरे,अर्जुन बोरावके,
ग्रामपंचायत सदस्य,कर्मचारी व ग्रामस्थ उपस्थित होते.
