कोपरगाव प्रतिनिधी
कोपरगाव तालुक्यातील जेऊर कुंभारी गावात १४ व्या व १५ व्या वित्त आयोगातून अनेक विकास कामे हाती घेण्यात आली असुन दि.५ मार्च रोजी १४ वित्त आयोगातून जेऊर कुंभारी गावातील संजय नगर, येथील आंबेडकर पुतळा परीसरात जेऊर कुंभारी गावठाण ,सोळके वस्ती, गिरमे वस्ती ,हरिसन ब्रँच या ठिकाणी पथदिवे लावण्याचे काम झाले असुन याची पाहणी सरपंच सुवर्णा पवार,उपसरपंच ताराचंद लकारे,
यांनी केली आहे.
संजीवनी उद्योग समुहाचे चेअरमन बिपीनदादा कोल्हे, कोपरगाव विधानसभा मतदारसंघाच्या प्रथम महीला आमदार स्नेहलता ताई कोल्हे युवा नेते विवेकभैय्या कोल्हे यांच्या मार्गदर्शनाखाली गावच्या विकासासाठी सातत्याने पाठपुरावा करणार असल्याचे प्रतिपादन सरपंच सुवर्णा पवार यांनी केले.
पुढे बोलताना म्हणाले की आपल्या देशाचे भविष्य असलेल्या विद्यार्थांना शिक्षण घेण्यासाठी शाळेत सोयी उपलब्ध करुन देणारआहोत त्यानुसार गिरमे वस्ती शाळा दुरुस्ती व नवीन शौचालय बांधणे गावठाण शाळा दुरुस्ती संजय नगर येथील आंबेडकर पुतळा व गणपती मंदिर या ठिकाणी फ्लेवर ब्लॉक बसवण्यात आली असे अनेक विकास कामे जेऊर कुंभारी गावांमध्ये हाती घेण्यात आली आहे तसेच कोरोना महामारीच्या काळात ग्रामपंचायत सदस्य यशवंत आव्हाड, किशोर वक्ते, प्रदीप गायकवाड, जालिंदर चव्हाण, अनिता वक्ते,गंगुबाई जाधव, वैशाली भोंगळे , धनश्री वक्ते, अनिता गायकवाड, यांच्या मदतीने संपूर्ण गावात लसीकरण मोहीम अतिशय उत्कृष्ट पद्धतीने राबवण्यात आली होती.
जाहिरात
