कोपरगाव प्रतिनिधी
कोपरगाव तालुक्यातील धामोरी येथील शेतकरी गंगाधर ठाकरे यांच्यावर बुधवारी पहाटेच्या सुमारास बिबट्याने हल्ला करून गंभीर जखमी केले होते.त्यांच्यावर सध्या कोपरगाव ग्रामीण रुग्णालयात उपचार सुरु असून आ. आशुतोष काळे यांनी रुग्णालयात जावून त्यांची भेट घेवून त्यांच्या प्रकृतीविषयी आपुलकीने चौकशी केली.बुधवारी पहाटेच्या सुमारास भक्षाच्या शोधात असलेल्या बिबट्याने जखमी ठाकरे यांच्या वस्तीवरील गोठ्यातील गाय व कुत्र्यावर हल्ला केला त्यावेळी गायीला व कुत्र्याला वाचवायला गेलेल्या गंगाधर ठाकरे यांच्यावरच बिबट्याने प्राणघातक हल्ला करून त्यांना गंभीर जखमी केले होते. हे वृत्त समजताच अर्थसंकल्पिय अधिवेशनासाठी मुंबई येथे असलेल्या आ.आशुतोष काळे यांनी भ्रमणध्वनीवरून ग्रामीण रुग्णालय अधीक्षक डॉ. कृष्णा फुलसुंदर यांच्याकडून जखमी ठाकरे यांच्या तब्बेतीची विचारपूस करून त्यांच्यावर सुरु असलेल्या औषोधोपचाराची माहिती जाणून घेतली होती. तसेच वन विभागाला देखील सूचना करून बिबट्याला जेरबंद करण्यासाठी तातडीने पिंजरा लावण्याच्या सूचना केल्या होत्या. शनिवार (दि.०४) रोजी मतदार संघात आल्यानंतर त्यांनी सर्वप्रथम कोपरगाव ग्रामीण रुग्णालयात जावून जखमी गंगाधर ठाकरे यांची भेट घेतली व त्यांची विचारपूस केली. यावेळी इतर रुग्णांची देखील आ. आशुतोष काळे यांनी विचारपूस केली.यावेळी राष्ट्रवादी काँग्रेस पक्षाचे तालुकाध्यक्ष माधवराव खिलारी, कर्मवीर शंकरराव काळे सहकारी साखर कारखान्याचे संचालक मनोज जगझाप, सुनील मांजरे, ग्रामीण रुग्णालय अधीक्षक डॉ. कृष्णा फुलसुंदर व जखमी ठाकरे यांचे कुटुंबीय उपस्थित होते.
धामोरी येथील बिबट्याच्या हल्ल्यात जखमी झालेल्या गंगाधर ठाकरे यांच्या तब्बेतीची विचारपूस करतांना आ. आशुतोष काळे.
जाहिरात
