कोपरगाव प्रतिनिधी
कोपरगाव नगरपालिका शाळा क्र.६ मध्ये उपशिक्षिका पदावर कार्यरत असणाऱ्या उपक्रमशील शिक्षिका सुनिता इंगळे यांना कोपरगाव तालुका विद्यार्थी सहाय्यक समिती संचलित स्व.सौ.कमलिनी बाळासाहेब सातभाई शासनमान्य सार्वजनिक वाचनालय -ग्रंथालय यांच्या वतीने दिला जाणारा प्राथमिक शिक्षण विभागाचा जिल्हास्तरीय आदर्श शिक्षिका पुरस्कार प.पु.पं.महंत राजधरबाबा,डाॕ.राजेश माळी,डाॕ.सचिन उंडे, गटशिक्षणाधिकारी शबाना शेख,डाॕ.रणदिवे,संस्थेचे संस्थापक हिरालाल महानुभव,मठपती मॕडम यांच्या प्रमुख उपस्थितीत देण्यात आला.
सुनिता इंगळे यांनी शिकवताना नेहमीच पारंपारिक अध्यापन पद्धत न वापरता हसत खेळत अध्यापन पद्धती वापरत असतात. अध्यापनात नवनवीन प्रयोग करुन विद्यार्थ्यांना अध्ययन सक्षम बनविण्याचे कार्य करीत आहेत
सन २०११ पासून त्या सातत्याने तालुका,जिल्हा व राज्य स्तरीय गणित-विज्ञान प्रदर्शनात विद्यार्थ्यांसह सातत्याने सहभागी होत असतात.आतापर्यंत तालुकास्तरावर आठ वेळा,जिल्हास्तरावर सहा वेळा व राज्यस्तरावर दोन वेळा सहभागी होण्याची संधी मिळाली आहे.याशिवाय कोव्हिड काळात त्यांचे ‘शालेय परीपाठ प्रश्नमंजुषा,ओळख पक्ष्यांची,भाषिक खेळ हे उपक्रम राज्यभरातील विद्यार्थ्यांसाठी खूपच उपयोगी पडले होते.त्या उत्तम तंत्रस्नेही शिक्षिका असून सातत्याने शिक्षणात विविध नाविण्यपूर्ण उपक्रम त्या शाळेत राबवत असतात.त्यांच्या विद्यार्थी,पालक व शिक्षकांसाठी असणाऱ्या ‘ज्ञानसंस्कार’ या ब्लाॕगला आतापर्यंत ८९००० लोकांनी भेटी दिल्या आहेत.त्यांचे विद्यार्थी दत्तक योजना,पर्यावरणपूरक उपक्रम,बालरक्षक म्हणूनही उत्तम काम आहे.सामाजिक दायित्वाचे भान ठेवत अनेक गरजू विद्यार्थ्यांना ,संस्थांना त्यांनी मदत केली आहे.त्यांचा स्वतः चा वाढदिवस तसेच घरातील सदस्यांचे वाढदिवसही त्या शालेय विद्यार्थ्यांना शालेय साहित्य देऊन साजरा करत असतात.नायगाव येथील ग्रंथालयासाठी त्यांनी पुस्तक समन्वयक म्हणूनही महाराष्ट्र भरातून पुस्तके जमा करण्याचे काम करुन नायगाव येथील ग्रंथालयास भेट दिले आहेत.आता सध्याला विद्यार्थ्यांसाठी ‘उतारावाचन’ हा उपक्रम संपूर्ण महाराष्ट्रात प्रचंड लोकप्रिय होत आहे.त्या उत्तम लेखिका व कवयित्रीही आहेत.
सुनिता इंगळे यांना मिळालेल्या पुरस्काराबद्दल त्यांचे कोपरगाव शिक्षण मंडळाचे प्रशासनाधिकारी पटारे साहेब,कोपरगाव पंचायत सामितीच्या गटशिक्षणाधिकारी शबाना शेख, पंचायत समिती विषय सहाय्यक संजय दहिफळे,शाळेच्या मुख्याध्यापिका कल्पना निंबाळकर, शिक्षक सविता साळुंके,आरती कोरडकर,अरुण पगारे,शाळा व्यवस्थापन समिती अध्यक्षा अर्चना वाहूळकर, न.पा,शिक्षण मंडळाचे वरीष्ठ लिपिक अमित पराई , मुख्याध्यापिका मंगल बिबवे,प्रतिभा केने, नसरीन इनामदार,अनुराधा सोनवणे,रजनी खैरनार,सविता राहिंज ,सुनिल राहाणे,मनिषा जाधव,विद्या प्रबोधिनी शाळेचे मुख्याध्यापक दत्तात्रय गवळी ,चक्रधर स्वामी प्राथमिक विद्यालयाच्या मुख्याध्यापिका मठपती मॕडम व सहकारी शिक्षिका,राष्ट्रीय आदर्श पुरस्कारप्राप्त शिक्षक पुरुषोत्तम पगारे,संतोष तांदळे,संदिप ठोके ,आदिनाथ ढाकणे,संदिप वाकचौरे,फैय्याजखान पठाण,अर्चना बोऱ्हाडे,जाधव मॕडम,बाळासाहेब देवकर,ज्ञानेश्वर शिंदे,ऐश्वर्यालक्ष्मी सातभाई ताई,किशोर चोरगे,इतर शिक्षक, पालक,विद्यार्थी आदींनी कौतुक करुन पुढील शैक्षणिक वाटचालीस शुभेच्छा दिल्या आहेत.
