कोपरगाव प्रतिनिधी
कोपरगाव तालुक्यातील कोपरगाव शहर पोलीस ठाणे हद्दीतील जेऊर कुंभारी येथे ग्राम सुरक्षा यंत्रणा जनजागृती बाबत कार्यक्रमाचे आयोजन करण्यात आले होते.
याबाबत ग्रामसुरक्षा यंत्रणा अधिकारी डि.के. गोर्डे यांनी उपस्थितांना ग्रामसुरक्षा यंत्रणेबाबत माहिती दिली. याप्रसंगी कोपरगाव पोलीस स्टेशनचे पोलीस निरीक्षक वासुदेव देसले यांच्या मार्गदर्शनाखाली बिट अंमलदार किशोर जाधव उपस्थित होते. कोपरगाव पोलीस स्टेशन हद्दीतील गावात ग्रामसुरक्षा यंत्रणा कार्यरत करण्यात आली आहे. चोरी, दरोड्याच्या घटना, महिला संदर्भातील गुन्हे, लहान मुले हरविणे, वाहन चोरी, गंभीर अपघात, वन्य प्राण्यांचा हल्ला, आगजळीताची घटना इत्यादी मध्ये ग्रामसुरक्षा यंत्रणेची तातडीने मदत मिळते. इतर काही घटना घडल्यास ही माहिती आपण फोनच्या माध्यमातून ग्रामसुरक्षा यंत्रणेद्वारे गावातील लोकांपर्यंत पोहोचण्याचे काम करू शकतो. याचे प्रात्यक्षिक डि.के. गोर्डे यांनी ग्रामस्थांना डेमो रूपाने करून दाखविले. ग्राम सुरक्षा यंत्रणेत आपला मोबाईल नंबर ॲड करण्यासाठी मार्गदर्शन केले व 02071171736 या नंबरला कॉल करून डेमो प्रत्यक्ष करून दाखविले. ग्रामसुरक्षा यंत्रणा टोल फ्री नं 18002703600 हा नंबर डायल करा व प्रत्येकाने आपल्या मोबाईल वरून ही ग्रामसुरक्षा यंत्रणा हे ॲप डाऊनलोड करून त्याद्वारे आपल्या कुटुंबातील मोबाईल नंबर ॲड करण्याचे आवाहन ग्रामस्थांना केले. याप्रसंगी ग्रामसुरक्षा यंञणा माहिती पुस्तिकेचे वाटप करण्यात आले.
या प्रसंगी सरपंच सुवर्णा सतिश पवार, उपसरपंच ताराचंद लकारे, पोलिस पाटील बाळासाहेब गायकवाड,ग्रामविकास अधिकारी केबी रणछोड, महेंद्र वक्ते, बापुराव वक्ते, किशोर वक्ते, जालिंदर चव्हाण, यशवंत आव्हाड, प्रदीप गायकवाड,
अनिता वक्ते, वैशाली भोंगळे, गंगुबाई जाधव,
धनश्री वक्ते, अनिता गायकवाड, अनिता वक्ते, सोमनाथ गव्हाणे,
लिपिक आनंद बारसे, शिपाई संतोष बोरावके, नंदू बोरावके, संगणक सहायक संगीता वक्ते,जगन्नाथ लिंभुरे, नानासाहेब गुरसळ, आशा सेविका कविता गायकवाड, अंगणवाडी सेविका दिवे मॅडम, लिलाताई वक्ते, योगेश लकारे, बाळासाहेब लिंभुरे, चेतन लिंभुरे, डॉ.सुजित वक्ते, यश गुरसळ ,प्रवीण वक्ते, दशरथ पंडोरे, गणेश परसैय्या, चित्रा गायकवाड, मंदा परसैय्या अनुसया, सीताबाई डहारे, गुरसळ, अक्षय गायकवाड, मनीषा पंडोरे, पूजा पंडोरे, अलका पवार, अश्विनी देवकर, मंगल गायकवाड आदींसह ग्रामस्थ उपस्थित होते.
सुत्रसंचालन ग्रामविकास अधिकारी केबी रणछोड यांनी केले तर आभार सरपंच सुवर्ण पवार यांनी मानले.
