कोपरगाव प्रतिनिधी
ग्रामीण भागातील विद्यार्थ्यांसाठी दर्जेदार शिक्षणाची कवाडे खुली करणाऱ्या शिक्षणमहर्षी लहानुभाऊ नागरे स्थापित रेन्बो इंटरनॅशनल स्कूलमध्ये दि.३,४,५, व ६ डिसेंबर२०२२ रोजी सी.बी.एस.ई द्वारा आयोजित क्लस्टर खो – खो स्पर्धांचे आयोजन करण्यात आले होते संपूर्ण महाराष्ट्रातून जवळपास ३० खो -खो संघ या स्पर्धेत सहभागी झाले होते . या स्पर्धांचा पारितोषक वितरण सोहळा दि. ६ डिसेंबर २०२२ रोजी रेन्बो इंटरनॅशनल स्कूलच्या प्रारंगणात उत्साहात पार पडला . अटीतटीच्या आणि चुरशीच्या या स्पर्धेत *मुलींच्या गटात मिलेनिअम नॅशनल स्कूलच्या संघाने बाजी मारत प्रथम क्रमांक पटकावून वर्चस्व स्थापित केले तरऑलिंपियाड स्कूल , औरंगाबाद संघाने द्वितीय, आत्मामालिक संघाने तृतीय तर भवन बी . पी . विद्यामंदीर नागपूर यांना चौथ्या स्थानावर समाधान मानावे लागले . यासह मुलांच्या गटात सुयश सेंट्रल स्कूलने विजय पताका फडकावत प्रथम स्थान पटकावले तर पी.बी जोग स्कूलने द्वितीय, भोंडवे पाटील व मिलेनियम स्कूलने तृतीय स्थान मिळवले याप्रसंगी स्पर्धेचे निरीक्षक गौरव डेंगळे , नितीन बलराज, रेन्बो इंटरनॅशल स्कूलचे विद्यमान प्राचार्य सुरेश शिंदे , पालक प्रतिनिधी आनंद महामुनी, ज्येष्ठ प्रशिक्षक मिश्रा सर , सर्व प्रशिक्षक , पंच उपस्थित होते . या प्रसंगी निरीक्षक डेंगळे व बलराज यांनी स्पर्धेचे उत्कृष्ट आयोजन केल्या बद्दल रेन्बो इटरनॅशल स्कूलचे विशेष कौतुक केले व भविष्यकाळात अशी वाटचाल सुरु ठेवावी अशा शुभेच्छा दिल्या . सदर कार्यक्रम यशस्वी होण्यासाठी क्रिडा शिक्षक शिवदास गोसावी सरांसह वसतिगृह विद्यार्थ्यांनी मोलाचे कष्ट घेतले . सर्वशिक्षक शिक्षकेत्तर कर्मचारी यांच्या सहकार्यामुळे स्पर्धा यशस्वीरित्या पार पडल्या . सदर प्रसंगी विश्वभारती रुरल एज्युकेशन संस्थेचे अध्यक्ष – कांतीलाल आग्रवाल , उपाध्यक्ष – वनिताताई नागरे , सचिव -संजय नागरे, विश्वस्त – मनोज आग्रवाल , विश्वस्त – आनंद दगडे , कार्यकारी संचालक आकाश नागरे यांनी ही स्पर्धेच्या उत्कृष्ट आयोजनाबद्दल प्राचार्य सुरेश शिंदे सरां सह त्यांच्या टीमला शुभेच्छा दिल्या .
