कोपरगाव प्रतिनिधी
कोपरगाव तालुक्यात कोकमठाण येथील आत्मा मालिक करिअर अकॅडमी मधील गुणवंत विद्यार्थी अक्षय सोपान पवार यांची mpsc तर्फे घेण्यात आलेल्या परिक्षेत राज्यात १५ क्रमांक मिळवला असुन त्याची मंत्रालयात सहाय्यक कक्ष अधिकारी मंत्रालय या पदी निवड झाली आहे. अक्षय हा कोपरगाव तालुक्यात डाऊच ब्रु या गावातील रहिवासी असुन
त्यांनी महाराष्ट्र दुय्यम सेवा अरजपत्रित गट ब मुख्य परीक्षा २०२१ सहाय्यक कक्ष अधिकारी या पदासाठी अंतिम निवड यादीत महाराष्ट्रातून पंधरावा क्रमांक पटकावला आहे मध्यमवर्गीय कुटुंबातून शिक्षण घेऊन खडतर अभ्यास करून या यशाला प्राप्त करून घेतले आहे. त्याला
आत्मा मालीक करिअर अकॅडमी चे मार्गदर्शन लाभले. कोपरगाव तहसीलदार विजय बोरुडे, कोपरगाव पोलिस निरीक्षक वासुदेव देसले,आत्मा मालिक करिअर अकॅडमी चे संचालक पंकज भोंगळे यांनी पुष्पगुच्छ देऊन त्याचासत्कार केला .
सदर कार्यक्रमाच्या अध्यक्षस्थानी तहसीलदार विजय बोरुडे साहेब , पोलीस निरीक्षक वासुदेव देसले साहेब प्रमुख अतिथी म्हणुन उपस्थित होते. सत्कारमूर्ती अक्षय सोपान पवार व चिरंजीव सचिन सोपान भगुरे यांचे आई वडील मामा आजोबा इत्यादी नातेवाईक तसेच पंचक्रोशीतील नागरिक देखील मोठ्या संख्येने उपस्थित होते. आत्मा मालिक अकॅडमीचे संचालक पंकज भोंगळे तसेच इतर शिक्षक वृंद देखील कार्यक्रमास उपस्थित होते. सुत्रसंचालन सौ पिंगळे मॅडम यांनी केले. कोपरगाव तहसीलदार विजय बोरुडे, पोलिस निरीक्षक वासुदेव देसले साहेब यांनी मनोगत व्यक्त करताना सांगितले की
ग्रामीण भागातील विद्यार्थ्यांसाठी सर्वात माफक शुल्कात मध्ये अकॅडमी ही सेवा असल्याने जास्तीत जास्त ग्रामीण विद्यार्थ्यांनी याचा लाभ घ्यावा असे सांगितले.
यावेळी अकॅडमी शिक्षक वृंद, अकॅडमी तील विद्यार्थी मित्र आदी उपस्थित होते.
