कोपरगाव प्रतिनिधी
कोपरगाव कृषी उत्पन्न बाजार समिती अंतर्गत असलेल्या तीळवणी उपबाजार विक्री केंद्र हॉल परिसराचे खडीकरणासाठी १९ लाख ३९ हजार तसेच पुर्वेकडील ग्राउंड यार्ड सोलींगचे १९ लाख ५३ हजार रूपये खर्चाच्या खडीकरण बांधकामास शासनाच्या सहकार पणन व वस्त्रोद्योग विभागाचे अवर सचिव प्रमोद वळंज यांनी नुकतीच मान्यता दिल्याची माहिती भाजपाच्या प्रदेश सचिव सौ. स्नेहलताताई कोल्हे यांनी दिली.त्या म्हणाल्या की, पूर्व भाग व सभोवतालच्या परिसरातील शेतक-यांनी त्यांचा शेतमाल नजिकच्या केंद्रात विक्री करता यावा यासाठी संजीवनी उद्योग समहाचे अध्यक्ष बिपीनदादा कोल्हे यांच्याकडे मागणी केली होती. त्यावर बिपीनदादा कोल्हे यांनी बाजार समितीस व संबंधीत प्रशासकीय व्यवस्थेस तीळवणी येथे उपबाजार केंद्र सुरू करावे म्हणून सुचना केल्या होत्या. कोपरगांव बाजार समितीने त्याबाबतच्या मंजु-या घेवुन तीळवणी उपबाजार केंद्र सुरू केले त्यासाठी शासन स्तरावर सदर ठिकाणी शेड उभारणी करण्यासाठी २० लाख रूपयांचा निधी उपलब्ध करून काम पुर्ण केले.
पुर्व भागात तीळवणी येथे उपबाजार केंद्र सुरू झाल्याने शेतक-यांनी बिपीनदादा कोल्हे यांना धन्यवाद दिले होते. मात्र सदर ठिकाणी प्राथमिक स्तरावर काही सुविधांचा अभाव असल्याचे लक्षात आल्यानंतर बिपीनदादा कोल्हे यांनी तीळवणी उपबाजार विकी केंद्र हॉल सभोवतालचा परिसर खडीकरण व पुर्वेकडील ग्राउंडचे सोलींग खडीकरण बांधकाम बाबतचा प्रस्ताव तयार करून तो शासनस्तरावर ७ सप्टेंबर २०२२ रोजी दाखल केला,. त्यासाठी राज्याचे मुख्यमंत्री तथा पणन मंत्री एकनाथ शिंदे, उपमुख्यमंत्री देवेंद्र फडणवीस व सहकार मंत्री अतुल सावे यांच्यास्तरावर भाजपाच्या प्रदेश सचिव सौ. स्नेहलताताई कोल्हे यांनी बैठका घेवुन त्याबाबतचा पाठपुरावा करून यासाठी निधी मिळावा म्हणून मागणी केली.त्यावर मुख्यमंत्री एकनाथ शिंदे व उपमुख्यमंत्री देवेंद्र फडणवीस यांनी सहकार पणन विभागाचे अवर सचिव प्रमोद वळंज यांना निधी उपलब्धतेबाबत कृबास क्रमांक ९२२ प्र. क. ४७५ व ४७६-२१ स अन्वये दिनांक २५ ऑक्टोंबर २०२२ रोजी ३८ लाख ९२ हजार रूपये खर्चास मान्यता दिल्याचे पत्रान्वये कळविले आहे. शासनाने कोपरगांवच्या पूर्व भागातील तीळवणी उपबाजार केंद्र शेतक-यांच्या सोयी सुविधेसाठी ६० लाख रूपयांच्या निधीसह विकासाचे काम मार्गी लावल्याबददल शिंदे फडणवीस शासनाने व सहकार मंत्री अतुल सावे यांचे अभिनंदन करून आभार मानले आहे.
