कोपरगाव प्रतिनिधी
कोपरगाव तालुक्यातील चांदेकसारे जेऊर कुंभारी, कोकमठाण,डाऊच खुर्द ,घारी या भागात पाणीच पाणी दिसत आहे नद्या नाल्यांना पूर आल्याची परिस्थिती निर्माण झाली आहे पहाटे १ वाजेच्या सुमारास ढगफुटी सदृश्य पावसाने सगळीकडे पाणीच पाणी करून टाकले आहे तसेच अनेक रस्त्यावरून मोठ्या प्रमाणात पाणी वाहत असल्याने चित्र दिसत आहे.
चांदेकसारे येथील आनंदवाडी
दयानंदवाडी पाण्याखाली गेले आहे तेव्हा सामाजिक कार्यकर्ते
सुधाकर होन, सागर होन यांनी या
संदर्भात कोपरगाव तहसीलदार यांना या परिस्थितीची माहिती देऊन बचाव पथक विषयी विनंती करण्यात आली मुसळधार पावसाने अनेक दुकाने पाण्याखाली गेली आहे व काही घरात पाणी शिरले आहे काही लोकांनी अख्खी रात्र बसून काढली आहे नागरिकांचे जनजीवन विस्कळीत झाली आहे.
या ढगफुटी सदृश्य पावसाने शेतातील काढणीच्या वेळेस पावसाने हजेरी लावल्याने शेतकऱ्यांच्या पिकांचे नुकसान झाले आहे या पावसामुळे आताशी आलेले पिक वाया जात आहे सध्या सोयाबीन मका कपाशी ही पिके काढणीस सुरू आहे तर काही ठिकाणी शेतकऱ्यांनी सोयाबीनची काढणी केली आहे.
अशातच पावसाने हजेरी लावल्याने शेती पिकांना मोठा फटका बसला आहे तेव्हा पिकांची पाहणी करून तात्काळ पंचनामे करण्यात यावी अशी मागणी सुधाकर होन व सागर होन यांनी केली.
