कोपरगाव प्रतिनिधी
कोपरगाव तालुक्यातील चांदेकसारे येथील शेतकरी आप्पासाहेब पांडुरंग होन यांनी तारीख २४.६.२०२२रोजी चा स्थळ निरीक्षण करणे कामी झालेल्या आदेशानुसार स्थळ निरीक्षणाचा अहवाल आजपावतो तहसीलदार यांना सादर केला नाही
तरी शेतकऱ्याची फसवणूक केल्या कारणे त्यांच्यावर फौजदारी गुन्हा दाखल करण्याची परवानगी मिळण्याबाबत आज दिनांक ४ १०.२०२२ रोजी कोपरगाव तहसील यांना निवेदन देण्यात आले.
सविस्तर वृत्त असे की चांदेकर येथील गट नं ७\४ मधील अतिक्रमण काढण्यासाठी कार्यालयाकडे अर्ज दाखल केला सदर कामकाजात कोपरगाव तहसील दिनांक २४.६.२०२२ रोजी पोहेगाव मंडळाअधिकारी प्रताप शंकरराव कलशे यांना स्थळ निरीक्षण करून अहवाल देण्याबाबत आदेश प्राप्त झाला होता
त्यानुसार मंडळाअधिकारी पोहेगाव प्रताप शंकरराव कलशे यांनी दिनांक १३.९.२०२२ रोजी हजर राहण्याबाबत नोटीस दिली होती परंतु त्यादिवशी स्थळ निरीक्षण न होता ते १५.९.२०२२ रोजी करण्यात आले. परंतु सदर स्थळ निरीक्षणाचा अहवाल आजपावतो पोहेगाव मंडळाअधिकारी यांनी तहसील कार्यालयाकडे सुपूर्द
केलेला नाही .त्यामुळे सदरचे कामकाज ठप्प झालेले आहे .१९ दिवसात मंडळाअधिकारी हे जाणून बुजून हेतू पूरक स्थळ निरीक्षण अहवाल तहसील कार्यालयाकडे सुपूर्द करत नाही तहसीलदार यांनी दिनांक २१.९.२०२२रोजी तहसील कार्यालयात आयोजित सेवा पंधरवाडा कार्यक्रमाच्या दिवशी त्यांना अहवाल देणे विषयी सुचित केले. तरी देखील मंडळ अधिकारी पोहेगाव हे अहवाल सादर करत नाही ? सदर प्रकरण न्यायप्रविष्ट असल्याने सदर अहवाल दिनांक ७.१०.२०२२ रोजी न्यायालयात दाखल करणे आहे तरी १९ दिवस उलटून गेल्यानंतरही कार्यालयात अजूनही अहवाल तहसील कार्यालय मध्ये प्राप्त झालेला नाही यावरून काहीतरी गौडबंगाल असल्याचा संशय शेतकरी आप्पासाहेब पांडुरंग होन यांनी व्यक्त केला आहे. तरी सदर अहवाल वेळेपूर्वी न पोहोचल्यास पुढील होणाऱ्या कारवाईस तसेच होणाऱ्या दिरंगाईमुळे शेतकऱ्याचे जे मानसिक अथवा आर्थिक नुकसान होत आहे याला सर्वस्वी जबाबदार मंडळाअधिकारी प्रताप शंकरराव कलशे असून त्यांच्या विरोधात फौजदारी गुन्हा दाखल करण्याची परवानगी मिळावी. असे या निवेदनामध्ये नमूद केलेले आहे.
