कोपरगाव प्रतिनिधी
शिक्षण महर्षी लहानुभाऊ नागरे स्थापित रेन्बो इंटरनॅशनल स्कूलमध्ये गणेशोत्सव सोहळा धुमधडाक्यात साजरा करण्यात आला . इनया पठान व कनिष्का बागुल या विद्यार्थीनीनीं भाषणे सादर केली . नंदिनी वक्ते यांनी गणपती बाप्पाची जन्मकथा सांगितली . कला शिक्षक दत्ता डोखे सरांनी अनंत चतुर्दशीच्या दिवशीचं गणपती बाप्पाचे विसर्जन का केले जाते या मागचा इतिवृत्तांत कथन केला . संगीत शिक्षक विवेक सुनवर यांच्या मार्गदर्शनाखाली ढोल – ताशांच्या गजरात विद्यार्थ्यांनी गणपती बाप्पाचे स्तुती गीत सादर केले तर मोनाली होन यांच्या मार्गदर्शनाखाली विद्यार्थ्यांनी गणेश वंदना हा नृत्याविष्कार सादर केला . उपप्राचार्य प्रविण कदम सरांनी आभाराची सुत्रे हाती घेतली . गणपती बाप्पाच्या आरतीने उत्सवाची सांगता झाली . नैतिक निकुंभ या विद्यार्थ्याने सदर गणेशोत्सव सोहळ्याचे सूत्रसंचालन केले .विश्वभारती रूरल एज्युकेशन संस्थेचे अध्यक्ष मा .कांतीलाल आग्रवाल, उपाध्यक्ष – वनिताताई नागरे ,सचिव – संजय नागरे, विश्वस्त – मनोजशेठ आग्रवाल, -आनंद दगडे , कार्यकारी संचालक आकाश नागरे , प्राचार्य – सुरेश शिंदे आदींनी सदर गणेशोत्सव सोहळा साजरीकरणाचे कौतुक केले.
