कोपरगाव प्रतिनिधी
शिक्षकांच्या अतुलनीय कार्याविषयी कृतज्ञता व्यक्त करण्यासाठी दरवर्षी ५ सप्टेंबर रोजी देशाचे माजी राष्ट्रपती डॉ. सर्वपल्ली राधाकृष्णन यांच्या जन्मदिनी शिक्षक दिन साजरा केला जातो. शिक्षणमहर्षी लहानु भाऊ नागरे स्थापित रेन्बो इंटरनॅशनल स्कूलमध्ये शिक्षकदिन धुमधडाक्यात व उत्साहात साजरा करण्यात आला . दहावीच्या विद्यार्थ्यांनी शिक्षकांच्या भूमिका वठवत शिक्षकांची जबाबदारी संबंध दिवसभर पार पाडली . शुभेच्छापत्रे व गिफ्ट देऊन सर्व शिक्षकांसह सर्व शिक्षकेत्तर कर्मचाऱ्यांचा गौरव या वेळी करण्यात आला . पुष्कर उदावंत , पलक काब्रा या विद्यार्थ्यांसह अंजली सिंग यांनी मनोगते व्यक्त केली . संगीत शिक्षक विवेक सुनवर सरांच्या मार्गदर्शनाखाली इयत्ता पाचवीच्या विद्यार्थ्यांनी शुभेच्छा रूपी सुमधूर गीत सादर केले . मोनाली होन यांच्या मार्गदर्शनाखाली आठवीच्या विद्यार्थ्यांनी विद्यार्थीदशेतील रोचक प्रसंग कथन करणारा मजेदार नृत्याविष्कार सादर केला . शिक्षकांसाठी संगीत खूर्ची व वेशभूषा बनविणे हे मनोरंजक खेळ घेण्यात आले . शिक्षकांचे कार्य हे खरोखर अद्वितिय आहे आम्हा विद्यार्थ्यांना डोळ्यांत तेल घालून सांभाळतात असे वक्तव्य शिक्षकांची भूमिका वठवणाऱ्या विद्यार्थ्यांनी व्यक्त केले .
शिक्षक हा विद्यार्थ्यांना ध्येयपूर्तीकडे नेणारा मार्गदर्शक असून संस्कारातून विद्यार्थ्यांचे जीवन घडवून आयुष्याचे नंदनवन फुलवणारा स्त्रोत शिक्षकच असतात या शब्दांत प्राचार्य सुरेश शिंदे सरांनी शिक्षकांचा गौरव केला . हा कार्यक्रम यशस्वी होण्यासाठी प्रसाद भास्कर, निलेश औताडे, राहुल कोळगे या शिक्षकांसह इयत्ता दहावीच्या विद्यार्थ्यांनी विशेष कष्ट घेतले . विश्वभारती रूरल एज्युकेशन संस्थेचे अध्यक्ष मा .कांतीलालजी आग्रवाल, उपाध्यक्ष – वनिताताई नागरे ,सचिव – संजयजी नागरे, विश्वस्त – मनोजशेठ आग्रवाल, आनंदजी दगडे , कार्यकारी संचालक आकाश नागरे , उपप्राचार्य – प्रविण कदम, सोमनाथ सोनवणे, प्रशांत भास्कर यांनी शिक्षक गौरव सोहळा साजरीकरणाचे भरभरून कौतुक करत शिक्षक दिनाच्या शुभेच्छा दिल्या .
