संजीवनी कार्यस्थळावर हनुमान मंदिरात आज इतिहास संशोधक प्रा. अरुण घोडके यांचे छत्रपती संभाजीराजे महाराज जीवन चरित्र्यावर व्याख्यान!!

 कोपरगाव प्रतिनिधी

            सालाबाद प्रमाणे याही वर्षी सहकारमहर्षी शंकरराव कोल्हे सहकारी साखर कारखाना कार्यस्थळावर संजीवनी सांस्कृतिक मंडळाचे वतीने श्रीगणेशाची प्रतिष्ठापना करण्यांत आली असून सोमवार दि. ५ सप्टेंबर रोजी सायंकाळी ५ ते ७ या वेळेत इस्लापुर येथील इतिहास संशोधक प्रा. अरुण बाबुराव घोडके यांचे असे होते शंभुराजे छत्रपती संभाजीराजे महाराज जीवन चरित्रावर व्याख्यान आयोजीत करण्यात आले असुन त्याचा सर्वांनी लाभ घ्यावा असे आवाहन संजीवनी उद्योग समुहाचे अध्यक्ष बिपीनदादा कोल्हे व सहकारमहर्षी शंकरराव कोल्हे सहकारी साखर कारखान्याचे अध्यक्ष बिपिनदादा कोल्हे, सहकारमहर्षी शंकरराव कोल्हे सहकारी साखर कारखान्याचे अध्यक्ष व युवानेते विवेकभैय्या कोल्हे यांनी केले आहे. माजीमंत्री स्व. शंकरराव कोल्हे यांनी१९६० मध्ये संजीवनी साखर कारखान्याची मुहूर्तमेढ रोवली, तेव्हापासून कार्यस्थळावर श्री गणेशोत्सव सुरू झालेला आहे. कामगारबंधू बरोबरच पंचक्रोशीतील सांस्कृतिक प्रेमींना असंख्य कार्यक्रम आयोजित करून त्याचा लाभ आजवर दिलेला आहे.  संजीवनी महिला मंडळाच्या अध्यक्षi व भाजप प्रदेश सचिव सौ स्नेहलताताई कोल्हे यांनीही चालू वर्षी गणेशोत्सव, महिला बचत गटात बरोबरच गौरी गणपती स्पर्धा आयोजनातून कलाप्रेमींना  प्रोत्साहन देऊन विविध स्पर्धांचे आयोजन केले आहे. चालू वर्षी गणेशोत्सव निमित्त दररोज आनंद संगीत विद्यालय तसेच नामांकित कीर्तनकार, प्रवचनकारांचे कार्यक्रम सुरू आहे.प्रा. अरुण घोडके हे इलेक्ट्रीकल इंजिनियर असुन ते कासेगांव (सांगली) आझाद विद्यालय ज्युनियर कॉलेज येथे कार्यरत असुन हिंदवी स्वराज्याचे संस्थापक छत्रपती शिवाजी महाराजांचे गड कोट किल्ले स्थळावर जाऊन ट्रेकिंगसह, त्याचा ऐतिहासिक अभ्यास करणे हा त्यांचा छंद आहे. त्यांनी २५ वर्षात महाराष्ट्र, उत्तरप्रदेश, गोवा, केरल, मध्यप्रदेश आदी ठिकाणी छत्रपती संभाजीराजे महाराज जीवन चरित्रावर चार हजार हुन अधीक व्याख्याने देऊन ऐतिहासिक जनजागृती केली आहे. मराठा साम्राज्य संशोधन दस्तऐवजावर त्यांचे ऐतिहासिक काम असुन विजयनगर हिंदू साम्राज्य पुस्तकाचे त्यांनी लेखन केले आहे. त्यांच्या या कार्याबद्दल विविध संस्थांनी गौरव करून त्यांना अनेक पारितोषिक प्रदान केले आहेत.तरी जास्तीत जास्त इतिहास संशोधक प्रेमी तसेच गणेश भाविकांनी, संजीवनी उद्योग समुहातील सहकारी संस्थांचे आजी माजी पदाधिकारी, संचालक, पदाधिकारी, कार्यकर्ते, कर्मचारी व शिंगणापुर पंचक्रोशीवासियांनी व्याख्यान श्रवणाचा लाभ घ्यावा असे कोल्हे कारखान्याचे उपाध्यक्ष रमेश घोडेराव सर्व संचालक, कार्यकारी संचालक व संजीवनी सांस्कृतिक मंडळाचे अध्यक्ष बाजीराव जी. सुतार, चीफ केमिष्ट विवेककुमार शुक्ला, चीफ इंजिनियर के. के. शक्य, साखर सरव्यवस्थापक शिवाजीराव दिवटे, व्यवस्थापकीय व्यवस्थापक प्रकाश डुंबरे, एच.आर मॅनेजर प्रदिप गुरव, कामगार नेते मनोहर शिंदे, कामगार संचालक वेणुनाथ बोळीज, मुख्य लेखाधिकारी एस. एन. पवार, उपमुख्य लेखाधिकारी प्रवीण टेमगर, संजीवनी सांस्कृतिक मंडळाचे सर्व सदस्य, खातेप्रमुख उपखातेप्रमुख आदीनी केले आहे. सर्व कार्यक्रम यशस्वीतेसाठी  संजीवनी सांस्कृतिक  मंडळाचे सर्व सदस्य परिश्रम घेत आहेत.